Viðskipti innlent

Unnur Ásta nýr með­eig­andi hjá MAGNA Lög­mönnum

Hallgerður Kolbrún E. Jónsdóttir skrifar
Unnur Ásta er nýr meðeigandi MAGNA Lögmanna.
Unnur Ásta er nýr meðeigandi MAGNA Lögmanna. Aðsend

Unnur Ásta Bergsteinsdóttir hefur nú gengið í hóp eigenda Magna Lögmanna. Unnur hefur starfað hjá stofunni og forvera þess, Lögmönnum Höfðabakka, frá árinu 2012.

Unnur hóf störf á stofunni áður en hún útskrifaðist með meistaragráðu í lögfræði en það gerði hún auk þess að öðlast málflutningsrétt árið 2015.

„Unnur Ásta er ein af þeim sem hefur unnið sig upp hér alveg frá byrjun,“ segir Þórður Bogason, framkvæmdastjóri MAGNA í tilkynningu.

„Við þessar aðstæður hefur Unnur Ásta öðlast fjölbreytta reynslu, traust viðskiptavina og okkar meðeigendanna og því fögnum við því að fá hana í hóp meðeiganda MAGNA.“

Sérsvið Unnar er fjölskylduréttur, vinnuréttur, erfðaréttur, stjórnsýsluréttur, eignaréttur, fjarskiptaréttur og málflutningur. Hún segist líta björtum augum á framtíðina með MAGNA.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×