Matur

BBQ kóngurinn: Beikon­vafinn bjór­dósa­borgari sem á eftir að slá í gegn

Ása Ninna Pétursdóttir skrifar
BBQ kóngurinn sjálfur, Alfreð Fannar Björnsson, sýnir hvernig á að grilla svokallaðan bjórdósaborgara sem hann segir að eigi eftir að slá í gegn í sumar. 
BBQ kóngurinn sjálfur, Alfreð Fannar Björnsson, sýnir hvernig á að grilla svokallaðan bjórdósaborgara sem hann segir að eigi eftir að slá í gegn í sumar.  Skjáskot

„Við ætlum að gera einn hamborgara sem á heldur betur eftir að slá í gegn hjá öllum grillurum landsins,“ segir grillmeistarinn Alfreð Fannar Björnsson í þættinum BBQ kóngurinn sem sýndur var á Stöð 2 fyrr í vetur. 

Til að móta hamborgarann notar Alferð bjórdós og hlær hann þegar hann segir það auðvitað mjög mikilvægt að dósin sjálf sé bjórdós. 

Hér fyrir neðan er hægt að sjá klippu úr þættinum ásamt uppskrift og aðferð.

Klippa: Beikonvafinn bjórdósaborgari fylltur með steiktum sveppum, lauk og cheddarosti

Beikonvafinn bjórdósaborgari

fylltur með steiktum sveppum, lauk og cheddarosti

  • Hamborgari
    • 300 g 30% feitt nautahakk (fyrir hvern hamborgara)
    • 2 sneiðar beikon
    • SPG-kryddblandan eða uppáhalds hamborgarakryddið ykkar
    • 2-3 sveppir
    • ¼ laukur
    • Olía
    • 2 sneiðar cheddarostur
    • Kartöflu-hamborgarabrauð
    • Uppáhalds BBQ-sósan ykkar
  • Aðferð
  1. Kyndið grillið í 250 gráður.
  2. Mótið kúlu úr hakkinu, þrýstið bjórdós niður í miðjuna og búið til holu í kjötið. Mótið hamborgarann utan um botn bjórdósarinnar. Mjög mikilvægt er að nota bjórdós svo að grillarinn hafi nóg af grillvökva meðan á eldun stendur.
  3. Opnið bjórinn og fáið ykkur sopa.
  4. Skerið sveppi og lauk í sneiðar og steikið upp úr olíu, annars verður hamborgarinn alltof blautur.
  5. Vefjið beikonsneiðum utan um hamborgarann og kryddið með SPG eða uppáhalds hamborgarakryddinu ykkar.
  6. Fyllið hamborgarann með steiktu sveppunum, lauknum, einni sneið af cheddarosti og bbq-sósu.
  7. Grillið hamborgarann á óbeinum hita í u.þ.b. 15 mínútur.
  8. Þegar tvær mínútur eru eftir setjið þið cheddarostsneið yfir.
  9. Hitið hamborgarabrauðið á grillinu í nokkrar sekúndur og setjið borgarann saman. Toppið með bbq-sósu. Það þarf ekkert meðlæti með borgaranum þar sem það er allt inni í hamborgaranum. Auðvitað getið þið samt bætt við ykkar uppáhalds meðlæti.

Hér fyrir neðan er hægt að nálgast fleiri klippur úr fyrsta þætti BBQ kóngsins. 

Reykt Texas-kalkúnabringa með BBQ-sinnepssósu

Lax á sedrusviðarplanka

Fyrir áhugasama er hægt að nálgast alla fyrri þætti BBQ kóngsins á Stöð 2+. 


Tengdar fréttir

BBQ kóngurinn: Reykt Texas-kalkúnabringa með BBQ-sinnepssósu

„Þessi er algjört æði. Auðvitað er ekki nauðsynlegt að reykja bringuna en ég mæli eindregið með því. Ef ég á afgang sneiði ég bringuna þunnt niður í álegg sem er fullkomið á samlokur,“ segir grillmeistarinn Alfreð Fannar Björnsson í sjónvarpsþættinum BBQ-kóngurinn sem sýndur var á Stöð 2 nú fyrr í vetur. 

BBQ kóngurinn fer í spor Salt Bae

Alfreð Fannar Björnsson, betur þekktur sem BBQ kóngurinn, tók fyrir hamborgara í síðasta þætti af BBQ kónginum á Stöð 2.






Fleiri fréttir

Sjá meira


×