Kvöldfréttir Stöðvar 2

Sylvía Hall skrifar 6. maí 2021 18:02

Kvöldfréttir hefjast á samtengdum rásum Stöðvar 2, Bylgjunnar og Vísis á slaginu 18:30. Vísir

Þrettán þúsund manns voru bólusett í Laugardalshöll í dag á metdegi. Þriðjungur þjóðarinnar hefur farið í sprautu. Við fjöllum um málið í kvöldfréttum okkar klukkan 18:30 og sýnum myndir af röðinni sem náði allt að sex hundruð metra þegar hún var hvað lengst.

Við ræðum líka Ragnheiði Ósk Erlendsdóttur, framkvæmdastjóra hjúkrunar hjá Heilsugæslunni á höfuðborgarsvæðinu, í beinni útsendingu um framhaldið.

Stóru bankarnir þrír högnuðust um 17 milljarða króna á fyrstu þremur mánuðum ársins en töpuðu sjö milljörðum á sama tíma í fyrra. Við segjum frá þessum viðsnúningi í fréttatímanum.

Þá ræðum við við Jens Heiðar Ragnarsson, slökkviliðsstjóra Akraness og Hvalfjarðarsveitar, um hættu á gróðureldum en óvissustigi almannavarna hefur verið lýst yfir vegna hættu á gróðureldum allt frá Eyjafjöllum að Snæfellsnesi.

Við segjum jafnframt frá því að eldstöðin í Fagradalsfjalli er til sölu. Landeigendur segja jörðina fala fyrir rétt verð og tilboð hafa þegar borist.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.