Viðskipti innlent

Óli Jóns kominn yfir til Birtingahússins

Eiður Þór Árnason skrifar
Ólafur hefur síðustu ár meðal annars haldið úti hlaðvarpi um markaðsmál og viðskiptalíf.
Ólafur hefur síðustu ár meðal annars haldið úti hlaðvarpi um markaðsmál og viðskiptalíf. Aðsend

Ólafur Jónsson hefur verið ráðinn til Birtingahússins þar sem hann mun sinna ráðgjöf og þróunarvinnu í tengslum við netmarkaðsmál fyrir viðskiptavini félagsins.

Ólafur, eða Óli Jóns eins og hann er oftast kallaður, hefur lengi unnið við ráðgjöf og kennslu á sviði netmarkaðsmála. Auk þess hefur hann síðustu árin haldið úti hlaðvarpi um markaðsmál og viðskiptalíf sem mun halda áfram í hans umsjá. 

Þetta kemur fram í tilkynningu frá Birtingahúsinu. Óli hefur meðal annars starfað sem ráðgjafi hjá Netráðgjöf og Reykjavík Excursions áður en hann fór út í eigin rekstur.

 „Við erum mjög lukkuleg með að hafa fengið Óla til liðs við okkur. Hann er öflugur og mjög reynslumikill markaðsmaður sem verður skemmtileg viðbót í okkar liðsheild. Framundan eru áhugaverð verkefni og nýjungar sem verður gaman að fá að kynna fyrir okkar samstarfsaðilum og markaðnum,“ segir Hugi Sævarsson, framkvæmdastjóri Birtingahússins, í tilkynningu. 

„Það er virkilega spennandi að vera kominn í þetta umhverfi sem Birtingahúsið starfar í. Fyrirtæki sem ég hef fylgst vel með í gegnum tíðina og verið leiðandi á sínu sviði. Félagið vinnur með metnaðarfullum og framsæknum viðskiptavinum og það verður gaman að fá að kynnast þeim og leggja mitt af mörkum“, er haft eftir Ólafi.

Vistaskipti Auglýsinga- og markaðsmál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið