Matur

BBQ kóngurinn: Lax á sedrusviðarplanka með sítrusávöxtum og fersku gúrkusalati

Ása Ninna Pétursdóttir skrifar
Alfreð Fannar Björnsson, deilir girnilegri uppskrift af laxi í fyrsta þætti BBQ kóngsins. Önnur þáttaröð BBQ kóngsins var sýnd á Stöð 2 í vetur en fyrir áhugasama er hægt að nálgast alla þættina á Stöð 2+. 
Alfreð Fannar Björnsson, deilir girnilegri uppskrift af laxi í fyrsta þætti BBQ kóngsins. Önnur þáttaröð BBQ kóngsins var sýnd á Stöð 2 í vetur en fyrir áhugasama er hægt að nálgast alla þættina á Stöð 2+.  Skjáskot

Grillmeistarinn Alfreð Fannar Björnsson sýndi áhorfendum Stöðvar 2 girnilega uppskrift af grilluðum laxi í fyrsta þætti BBQ kóngsins sem var á dagskrá fyrr í vetur.

Hér fyrir neðan er hægt að nálgast klippu úr þættinum ásamt uppskrift og aðferð. Verði ykkur að góðu. 

Klippa: Lax á sedrusviðarplanka

Lax á sedrusviðarplanka

 - með sítrusávöxtum og fersku gúrkusalati -

  • Lax
    • 600 g lax
    • Appelsína
    • Sítróna
    • Límóna
    • Sedrusviðarplanki
  • Gúrkusalat
    • Hálf stór gúrka
    • 1 tsk salt
    • ½ lítill rauðlaukur
    • 2-3 stilkar ferskt dill
    • ½ dós sýrður rjómi (má sleppa)
  • Aðferð
  1. Kyndið grillið í 250 gráður. 
  2. Leggið viðarplankann í bleyti í 30 mínútur.
  3. Skerið gúrku í þunnar sneiðar, setjið í skál ásamt saltinu og blandið saman. Látið standa í 20 mínútur.
  4. Hellið vatninu sem hefur myndast úr skálinni og þerrið gúrkurnar með eldhúspappír.
  5. Skerið lauk í þunnar sneiðar og fínsaxið dill. Blandið saman við gúrkurnar. Bætið sýrðum rjóma út í, ef vill.
  6. Leggið laxinn á plankann. Skerið ávextina í þunnar sneiðar og leggið yfir fiskinn.
  7. Grillið í 15-20 mínútur á beinum hita eða þangað til laxinn hefur náð 48-50 gráðum í kjarnhita.
Það er fátt sumarlegra en grillaður lax.Skjáskot

Tengdar fréttir

BBQ kóngurinn fer í spor Salt Bae

Alfreð Fannar Björnsson, betur þekktur sem BBQ kóngurinn, tók fyrir hamborgara í síðasta þætti af BBQ kónginum á Stöð 2.

Svona grillar maður bjórkjúkling

Grindvíkingurinn Alfreð Fannar Björnsson er án efa mesti dellumaður landsins, tekur allt með trompi hvort sem það snýr að veiðinni, bílasprautun eða öðru.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.