Napoli vann mikil­vægan sigur í fall­bar­áttunni

Napoli komst yfir strax í upphafi leiks og var staðan 1-0 í hálfleik. Þannig var staðan allt fram á 70. mínútu leiksins en þá bættu heimakonur við fjórum mörkum til viðbótar og lauk leiknum því með 5-0 sigri þeirra.

Sigurinn var einkar mikilvægur en fyrir leik dagsins voru bæði lið með níu stig. Napili er nú með 12 stig, þremur stigum yfir ofan San Marino sem situr í fallsæti. Bari er í neðsta sæti deildarinnar með aðeins þrjú stig.

Þrjár umferðir eru eftir sem gerir sigurinn enn mikilvægari.

Guðný Árnadóttir lék allan leikinn í hjarta varnar Napoli en Lára Kristín Pedersen sat allan tímann á varamannabekk liðsins.