Körfubolti

Breiðablik með fjögurra stiga forystu

Anton Ingi Leifsson skrifar
Pétur Ingvarsson er að gera góða hluti í Kópavogi.
Pétur Ingvarsson er að gera góða hluti í Kópavogi. mynd/breiðablik

Breiðablik er með fjögurra stiga forystu á toppi 1. deildar karla í körfubolta en heil umferð fór fram í kvöld.

Breiðablik lenti ekki í neinum vandræðum með Selfoss á heimavelli en toppliðið vann að endingu 107-79 sigur.

Á sama tíma töpuðu Hamarsmenn úr Hveragerði fyrir Vestra á útivelli, 97-82, og því er forysta Blika nú fjögur stig.

Sindri lagði Álftanes 104-94 í Forsetahöllinni og rúllaði yfir Hrunamenn, 94-58.

Breiðablik er á toppnum eftir fjórtán leiki með 22 stig en Hamar, Sindri og Álftanes raða sér í næstu sæti með átján.

Álftanes hefur þó leikið fimmtán leiki en hin þrjú liðin fjórtán. Leika liðin sextán leiki í deildarkeppninni og fer efsta liðið beint upp.

Lið tvö til fimm fara svo í úrslitakeppni um annað lausa sætið í Domino's deild karla á næstu leiktíð.




Fleiri fréttir

Sjá meira


×