Viðskipti innlent

Nær fjöru­tíu starfs­mönnum sagt upp á Hrafnistu

Hallgerður Kolbrún E. Jónsdóttir skrifar
Á fjórða tug starfsmanna hjá hjúkrunarheimilinu Hrafnistu hefur verið sagt upp störfum. Bæði er um að ræða stjórnendur, hjúkrunarfræðinga, ræstitækna og aðra starfsmenn.
Á fjórða tug starfsmanna hjá hjúkrunarheimilinu Hrafnistu hefur verið sagt upp störfum. Bæði er um að ræða stjórnendur, hjúkrunarfræðinga, ræstitækna og aðra starfsmenn. Vísir/Vilhelm

Á fjórða tug starfsmanna hjá hjúkrunarheimilinu Hrafnistu hefur verið sagt upp störfum. Bæði er um að ræða stjórnendur, hjúkrunarfræðinga, ræstitækna og aðra starfsmenn. Tuttugu þessara starfsmanna störfuðu hjá Hrafnistu á Sléttuvegi en hinir hjá öðrum heimilum Hrafnistu. Mbl.is greinir frá.

Starfsmönnum var sagt upp í tvennu lagi, annars vegar um síðustu mánaðarmót og hins vegar um mánaðarmótin þar á undan. Ræsting verður nú aðkeypt en engir munu koma í stað hinna starfsmannanna sem sagt hefur verið upp.

Þetta staðfestir María Fjóla Harðardóttir, forstjóri Hrafnistu, í samtali við mbl.is en fréttastofa náði ekki af henni tali fyrir vinnslu fréttarinnar. Hún segir uppsagnirnar endurspegla erfið rekstrarskilyrði hjúkrunarheimilanna sem rekin eru með þjónustusamningi við ríkið.

Hún segir einingarverð, sem fylgi hverjum íbúa, ekki duga til að standa undir launahækkunum starfsfólks sem bundnar eru í kjarasamningum og stytting vinnuvikunnar bæti ekki þar ofan á.

Samtök fyrirtækja í velferðarþjónustu hafa reiknað svo að stytting vinnuviku starfsfólk, sem taka gildi þann 1. maí næstkomandi, muni fela í sér talsverða hækkun á launakostnaði. Þá segir María í samtali við mbl.is að uppsagnir séu ekki eitthvað sem heimilin þurfi á að halda núna.

„Okkur vantar meira fólk í þessi störf til að uppfylla þær kröfur sem gerðar eru til okkar.“

Uppfært 12. apríl klukkan 08:48 

Að neðan er rætt við Maríu Fjólu í Bítinu á Bylgjunni um uppsagnirnar.

 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,32
48
17.752
ORIGO
0,62
1
292
ISB
0,46
58
89.617
SIMINN
0,3
13
139.484
ICESEA
0,3
2
725

Mesta lækkun dagsins


Félag
Br.%
Fjöldi
Velta*
ARION
-0,46
24
170.268
SVN
-0,3
5
1.253
SYN
-0,25
1
598
REGINN
-0,19
1
104
FESTI
-0,12
2
20.476
Velkomin á Vísi. Þessi vefur notar vafrakökur. Sjá nánar.