Viðskipti innlent

Kaup­höllin tútnar út í ein­hverri mestu efna­hags­kreppu sem sést hefur

Jakob Bjarnar skrifar
Hverjum klukkan glymur. Verð hlutabréfa hefur hækkað mjög yfir páskana.
Hverjum klukkan glymur. Verð hlutabréfa hefur hækkað mjög yfir páskana. vísir/vilhelm

Hlutabréf í Kauphöllinni hækkað um 50 milljarða króna í dymbliviku.

Gunnar Smári Egilsson hugmyndafræðingur Sósíalistaflokksins skoðaði þetta sérstaklega og hefur til marks um galna efnahagsstjórn ríkisstjórnarinnar. Þetta hafi gerst meðan þjóðin svaf, át súkkulaði og reifst um sóttvarnarhótel.

„Kauphöllin blæs því út í miðri efnahagslegri niðursveiflu, heimsfaraldri og met atvinnuleysi. Það er ekkert að frétta af fjárfestingum einkafyrirtækja og opinber fjárfesting dregst saman. Það eina sem hreyfist er verðmiðinn á gömlum eignum. Engin ný störf hafa verið búin til tólf mánuðum eftir að kreppan skall á. Þetta er efnahagsstefna sem hefur það eitt markmið að verja eignir hinna ríku,“ segir Gunnar Smári.

Hagur hinna ríku í fyrirrúmi

Í samtali við Vísi segist Gunnar Smári byggja útreikninga sína á opinberum upplýsingum; hann margfaldar hlutabréfin með genginu og ber saman við stöðuna fyrir tæpum tveimur vikum og í ársbyrjun 2020. Þetta megi sjá hér á vef Nasdaq yfir stöðuna í norðri. Ef ýtt er á hvert félag má sjá söguna og þróun virðis.

Gunnar Smári velkist ekki í vafa um að allt kerfið vinnur fyrst og síðast að hag hinna ríku.vísir/vilhelm

„Ég tók svo saman hlut lífeyrissjóða með því að skoða tuttugu stærstu í hverju félagi, en það má finna á vef hvers fyrirtækis,“ segir Gunnar Smári.

50 milljarðar króna jafngilda um 3 prósenta hækkun á virði hlutabréfanna á tæpum hálfum mánuði. Sem Gunnar Smári segir fullkomlega galið.

„Til að verja hagnað hinna ríku mun ríkisstjórnin setja á lög um skattaafslátt vegna hlutabréfakaupa. Það er gert þegar kauphöllin hefur bólgnað svo mjög að allir vita að blaðran mun springa. Til að ná út hagnaði sínum þurfa hin ríku að fá almenning til að kaupa hlutabréf og viðhalda bólunni meðan þau læðast út. Þegar þau hafa leyst út gróðann fellur bólan yfir almenning. Samhliða þessu mun Seðlabankinn halda uppi virði krónunnar meðan hin ríku flýja hagkerfið og flytja fé sitt útlanda. 

Íslenska Kauphöllin.vísir/vilhelm

Þegar það er búið mun gengi krónunnar falla yfir almenning,“ segir Gunnar Smári og dregur upp fremur dökka mynd af framtíðinni.

Ríkasta fólkið leitar útgönguleiða með hagnaðinn

Gunnar Smári segir að frá ársbyrjun 2020, áður en kórónuveirufaraldurinn skall á, hafi virði hlutabréfanna í kauphöllinni hækkað um 483 milljarða króna.

„Lífeyrissjóðir eiga um 46 prósent í kauphöllinni svo þeir bókfæra um 220 milljarða af þessari hækkun. Restin, um 260 milljarðar, eru gengishagnaður fjársterkra aðila. Af þeim má áætla að um 200 milljarðar króna tilheyri innlendum aðilum, mest 0,1 prósent ríkasta fólkinu sem hefur auðgast enn meira í kórónafaraldrinum. Það fólk er nú að leita að útleið fyrir þetta fé. Það ætlar ekki að brenna inni þegar bólan springur. Og það á og rekur ríkisstjórnina til að tryggja hagsmuni sína.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
5,88
79
288.851
EIM
5,23
18
206.601
MAREL
0,83
19
277.776
LEQ
0,69
3
5.340
ICESEA
0,57
5
8.382

Mesta lækkun dagsins


Félag
Br.%
Fjöldi
Velta*
SVN
-1,59
33
57.469
FESTI
-1,25
4
81.316
HAGA
-1,01
4
2.561
SIMINN
-0,79
11
182.467
REGINN
-0,76
2
178
Velkomin á Vísi. Þessi vefur notar vafrakökur. Sjá nánar.