Notendur samfélagsmiðla Facebook hafa margir tekið eftir því að þeir eru svo gott sem ónothæfir þessa stundina. Engin formleg skýring frá Facebook hefur verið birt en ljóst er að miðlarnir virka ekki sem skyldi.
Á þetta við um við um þá miðla sem eru í eigu Facebook og nær bilunin því einnig til Instagram, Messenger og WhatsApp. Skilaboð milli notenda skila sér ekki og kemur ítrekuð villumelding upp ef notendur reyna að skoða Instagram líkt og netsamband sé lélegt.
Samkvæmt vef TechRadar virðist bilunin vera ekki afmörkuð við nokkur lönd, en DownDetector sýnir að tilkynningar hafa borist frá Bandaríkjunum, Spáni, Sádí-Arabíu, Japan og Rússlandi.
Uppfært 18:20: Svo virðist sem miðlar Facebook séu farnir að taka við sér aftur. Engin formleg skýring á biluninni hefur verið gefin út frá fyrirtækinu enn sem komið er.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
