Innlent

Fjórar handtökur og húsleit á sex stöðum í tengslum við morðið í Rauðagerði

Hólmfríður Gísladóttir skrifar
Lögregla hefur í málinu endurtekið leitt menn fyrir dóm með kröfu um gæsluvarðhald. Tólf höfðu stöðu sakbornings fyrir handtökurnar í dag.
Lögregla hefur í málinu endurtekið leitt menn fyrir dóm með kröfu um gæsluvarðhald. Tólf höfðu stöðu sakbornings fyrir handtökurnar í dag. Vísir/Vilhelm

Lögreglan á höfuðborgarsvæðinu handtók fjóra í morgun í tengslum við rannsókn Rauðagerðis-málsins svokallaða og framkvæmdi húsleit á sex stöðum í umdæminu og utan þess. 

Þetta kemur fram í tilkynningu frá lögreglu. 

Þar segir einnig að búast megi við annarri tilkynningu frá lögreglu vegna fyrrnefndar aðgerða þegar frekari upplýsingar liggja fyrir, mögulega síðar í dag.

Fram kom á Vísi í morgun að hinn látni hefði verið skotinn níu sinnum þegar honum var banað þann 13. febrúar síðastliðinn.

Einn var úrskurðaður í fjögurra vikna áframhaldandi gæsluvarðhald í gær vegna málsins, annar í vikulangt varðhald auk þess sem gæsluvarðhald yfir þriðja aðila rennur út í næstu viku. Þá sæta fleiri farbanni.

Morð í Rauðagerði Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið