Viðskipti innlent

At­lanta kaupir flug­hermi fyrir Boeing 747-400 af BA

Atli Ísleifsson skrifar
Í svari við fyrirspurn fréttastofu kemur fram að kaupverðið sé trúnaðarmál.
Í svari við fyrirspurn fréttastofu kemur fram að kaupverðið sé trúnaðarmál. Aðsend

Flugfélagið Atlanta hefur fest kaup á Boeing 747-400 flughermi af British Airways. Flughermirinn er staðsettur á Heathrow-flugvelli í London og verður notaður við nýþjálfun og reglubundna þjálfun flugmanna sem starfa hjá félaginu.

Þetta kemur fram í tilkynningu, en þar segir einnig að hermirinn verði leigður út til þjálfunar flugmanna erlendra flugfélaga sem fljúga umræddri flugvélategund.

„British Airways mun annast rekstur og viðhald flughermisins fyrir Flugfélagið Atlanta, sem mun nýta flugvélagerðina í sínum alþjóðlega rekstri til næstu framtíðar, en félagið er í dag með níu 747-400 fraktflugvélar á lofti. Um er að ræða umtalsverða fjárfestingu sem styrkir stöðu félagsins til komandi ára. Mikil hagkvæmni fylgir kaupunum auk þess sem félagið tryggir sér öruggt aðgengi að búnaði til þjálfunar flugmanna sinna,“ að því er segir í tilkynningunni.

Í svari við fyrirspurn fréttastofu kemur fram að kaupverðið sé trúnaðarmál.

Fréttir af flugi


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið