Sæ­mundur tekur við af Guð­mundi hjá EFLU

Frá þessu segir á vef EFLU, en Guðmundur er þar sagður hafa ákveðið að stíga til hliðar og taka að sér ný hlutverk hjá fyrirtækinu.

„Sæmundur gegndi stöðu forstjóra Borgunar frá 2018-2020, var framkvæmdastjóri rekstrarsviðs Sjóvar 2011-2017 og þar áður forstjóri upplýsingatæknifyrirtækisins Teris 1998-2011. Jafnframt hefur Sæmundur setið í stjórn Festu – miðstöðvar um samfélagsábyrgð fyrirtækja, stjórnarformaður Auðkennis, í stjórn Aur app ehf og í varastjórn Reiknistofu bankanna.

Sæmundur er tölvunarfræðingur að mennt frá University of Texas í Bandaríkjunum og hefur auk þess bætt við sig menntun á sviði stjórnunar. Hann er kvæntur Margréti V. Kristjánsdóttur, dósent við lagadeild Háskólans í Reykjavík, og eiga þau þrjá syni.

Í EFLU samstæðunni starfa um 400 sérfræðingar með fjölbreytta þekkingu og reynslu. Meginstarfsemi EFLU er á Íslandi, með höfuðstöðvar í Reykjavík og öflugar starfsstöðvar víða um land. Að auki starfrækir EFLA dóttur- og hlutdeildarfélög á Íslandi og í Noregi, Svíþjóð, Frakklandi, Þýskalandi, Póllandi, Skotlandi og Tyrklandi,“ segir í tilkynningunni.

Guðmundur hefur leitt EFLU frá stofnun árið 2008.