Viðskipti innlent

Mac­Kenzi­e Scott giftist kennara við skóla barna sinna

Atli Ísleifsson skrifar
Dan Jewlett og Mackenzie Scott.
Dan Jewlett og Mackenzie Scott. The Giving Pledge

MacKenzie Scott, ein ríkasta kona heims, hefur gifst kennaranum Dan Jewett sem kennir við skóla barna Scott og Amazon-stofnandans Jeffs Bezos.

Scott greinir frá þessu á vefsíðunni The Giving Pledge, en um tvö ár eru nú liðin frá skilnaði þeirra Scott og Bezos. Þau voru gift í um aldarfjórðung og eiga saman fjögur börn.

Í yfirlýsingu frá Bezos segir að Jewett sé frábær maður og að hann sé ánægður og spenntur fyrir hönd bæði Scott og Jewett.

Greint var frá því í desember að Scott hafi látið rúmlega fjóra milljarða Bandaríkjadala af hendi rakna til fjölskylduhjálparstofnana og styrktarsjóða á síðustu mánuðum. Það samsvarar um 500 milljarða íslenskra króna. Hún hefur áður sagst ætla að gefa megnið af auðæfum sínum til góðgerðasamtaka.

Scott var á síðasta ári átjánda á lista yfir ríkustu manneskjur heims, en á síðasta ári jukust auðæfi hennar mikið og eru nú metin á 53 milljarða Bandaríkjadala.

Ástin og lífið Amazon Bandaríkin

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið