MacKenzie Scott, ein ríkasta kona heims, hefur látið rúmlega fjóra milljarða Bandaríkjadala af hendi rakna til fjölskylduhjálparstofnana og styrktarsjóða á síðustu fjórum mánuðum. Það samsvarar um 500 milljarða íslenskra króna.
Scott, sem er fyrrverandi eiginkona Amazon-stofnandans Jeff Bezos, greindi frá því í bloggfærslu að hún vilji aðstoða Bandaríkjamenn sem eigi í vandræðum á tímum heimsfaraldursins.
Scott er átjánda á lista yfir ríkustu manneskjur heims, en á þessu ári hafa auðæfi hennar aukist mikið, farið úr 23,6 milljörðum Bandaríkjadala í 60,7 milljarða.
Scott sagði heimsfaraldurinn hafi rústað lífi fjölmargra Bandaríkjamanna sem hafi þegar átt erfitt. Sérstaklega hafi hann reynst miklum fjölda kvenna, minnihlutahópum og fátækum erfiður, á sama tíma og auður milljarðamæringa hafi aukist.
Hún hafi því ákveðið að gefa fé til rúmlega 380 góðgerðasamtaka.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
