Marka­laust í þokunni á Sel­hurst Park

Anton Ingi Leifsson skrifar
Það var mikil þoka er United var í heimsókn á Selhurst Park í kvöld. United sótti einungis eitt stig til Lundúna.
Það var mikil þoka er United var í heimsókn á Selhurst Park í kvöld. United sótti einungis eitt stig til Lundúna. Adrian Dennis - Pool/Getty Images

Crystal Palace og Manchester United gerðu markalaust jafntefli er liðin mættust á Selhurst Park í kvöld. Crystal Palace fékk því fjögur stig gegn Manchester United á tímabilinu eftir 3-1 sigur í fyrri leik liðanna.

Eins og búist var við réðu gestirnir ferðinni í fyrri hálfleiknum. Dean Henderson var í marki United í fjarveru David de Gea en það flesta sem gerðist í leiknum gerðist á hinum vallarhelmingnum.

United var mikið með boltann án þess að skapa sér mörg opin marktækifæri. Palace varðist fimlega og þeirra hættulegasti maður var Androwns Townsend. Staðan var markalaus er liðin gengu til búningsherbergja.

Stórstjörnur United komust lítið inn í leikinn framan af leik. Bruno Fernandes og Marcus Rashford voru lítið í boltanum en síðari hálfleikurinn var ansi tíðindalítill framan af.

Ole Gunnar Solskjær, stjóri United, reyndi að hrista upp í sínum mönunm með því að skipta meðal annars Daniel James og Scott McTominay inn á en allt kom fyrir ekki.

Palace fékk þó gott dauðafæri á 90. mínútu en Dean Henderson sá við Patrick van Aanholt í algjöru dauðafæri. Lokatölur 0-0.

Man. United er því í öðru sætinu, heilum fjórtán stigum á eftir toppliði Man. City. United er stigi á undan Leicester sem er í þriðja sætinu en Palace er í þrettánda sætinu, nú ellefu stigum frá fallsæti.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.