Viðskipti innlent

Eignast helmings­hlut í Hring­rás og HP Gámum

Atli Ísleifsson skrifar
Frá athafnasvæði félagsins. Á myndinni eru fulltrúar Hópsness, Hringrásar og HP gáma til vinstri og fulltrúar Íslenskra Verðbréfa til hægri.
Frá athafnasvæði félagsins. Á myndinni eru fulltrúar Hópsness, Hringrásar og HP gáma til vinstri og fulltrúar Íslenskra Verðbréfa til hægri. Aðsend

Samkomulag hefur náðst um að TFII framtakssjóður eignist helmingshlut í Hringrás og HP Gámum.

Í tilkynningu segir að Hópsnes ehf., sem er eigandi Hringrásar ehf. og HP Gáma ehf., og TFII slhf., sem sé fagfjárfestasjóður í umsjón Íslenskra verðbréfa, hafi komist að samkomulagi þessa efnis. Sjóðurinn muni leggja sameinuðu félagi til nýtt hlutafé sem ætlunin sé að nota til frekari uppbyggingar og framsóknar þess.

Fram kemur að ekki séu fyrirhugaðar neinar breytingar á stjórnun eða starfsmannamálum félaganna tengt þessum viðskiptum. Alexander G. Edvardsson, forstjóri Hringrásar og einn eigenda Hópsness, mun gegna starfi forstjóra sameinaðs félags ásamt framkvæmdastjóra HP gáma, Jörgen Þór Þráinssyni.

Samkomulagið um kaupin er háð fyrirvara um samþykki Samkeppniseftirlitsins.

Hópsnes, sem áður átti HP Gáma, festi kaup á Hringrás fyrir rúmlega ári síðan.

Markaðir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið