Samstarf

Spennandi hráefni í eldhúsinu í Fisk-búar

Fiskikóngurinn
Fisksalar hvetja nú landsmenn til að borða meiri fisk og standa fyrir átaki í febrúar eða Fisk-búar.
Fisksalar hvetja nú landsmenn til að borða meiri fisk og standa fyrir átaki í febrúar eða Fisk-búar.

Febrúar hefur verið breytt í Fisk-búar en með átakinu er fólk hvatt til þess að elda oftar fisk í matinn.

Fisksalar keppast nú við að koma fiski ofan í landann en átakið Fisk-búar hefur staðið yfir allan febrúar. Með átakinu vilja fisksalar hvetja fisksveiðiþjóðina til þess að borða meiri fisk allan ársins hring og kynna sér fjölbreytta matreiðslumöguleika þessa holla sjávarfangs.

Framsetning í fiskborðum er afar girnileg

Fiskikóngurinn er potturinn og pannan á bak við Fisk-búar.

„Kristján er auðvitað ötull talsmaður fisksins og hefur hægt og rólega fengið hinar fiskbúðirnar með sér í þetta,“ segir Magnús Guðfinnsson hjá Fiskikónginum. 

„Við viljum sína fólki fram á að fiskur er ekki bara bráðholl villibráð heldur einnig mjög skemmtilegt hráefni til að leika sér með í eldamennsku. Það er hægt að elda fisk á svo margvíslegan hátt." 

Magnús segir viðhorfið til fiskrétta sé breytt frá því sem áður var þegar soðning og fiskur í raspi voru helst á borðum.

Fiskur þótti óspennandi

„Ég hef selt fisk í átján ár og viðhorfið er allt annað í dag. Fyrir nokkrum árum var til dæmis ekki nokkur leið að koma ufsa neins staðar inn en nú er hann mjög vinsæll matur. Eins voru keila og langa varla talinn matur fyrir nokkrum árum. Fiskur þótti óspennandi og fólk hélt að ekkert væri hægt að gera við hann en það hefur mikið breyst með tilkomu marineringar. Einnig hefur öll tækni við vinnslu á fiski þróast og breyst og framsetning í fiskbúðunum er líka mjög flott. Matarklúbbar og matarnördar hafa líka áhrif. Fólk deilir uppskriftum og er duglegt að leita sér að innblæstri,“ segir Magnús.

Tilbúna rétti er að finna í fiskverslunum sem auðvelt er að elda.

Halda þurfi fólki við efnið svo næstu kynslóðir læri líka að meta fisk. Átak eins og Fisk-búar geri sitt til þess. „Fisk-búar eru svo sannarleg að leggja sitt af mörkum,“ segir Magnús.

Þær fiskverslanir sem taka þátt í Fisk-búar eru Fiskikóngurinn Sogavegi, Fiskikóngurinn Höfðabakka, Fiskbúð Fúsa, Fiskbúðin Hafberg, Fiskbúð Hólmgeirs, Fiskkompany Akureyri, Fylgifiskar og  Norđanfiskur. SFS hefur veitt framtakinu auglýsingastyrk.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.