Viðskipti innlent

Kaupa Esso-húsið á 1,2 milljarða króna

Atli Ísleifsson skrifar
Síðasta sumar var gerður tuttugu ára leigusamningur við Kvikmyndaskóla Íslands sem verður áfram í gildi.
Síðasta sumar var gerður tuttugu ára leigusamningur við Kvikmyndaskóla Íslands sem verður áfram í gildi. Vísir/Vilhelm

Félag hjónanna Birgis Bieltvedt fjárfestis og Eyglóar Bjarkar Kjartansdóttur, Eyja fjarfestingarfélag, hefur keypt fasteignina við Suðurlandsbraut 18, Esso-húsið svokallaða, af fasteignaþróunarfélaginu Festi. Kaupverðið er 1,2 milljarðar króna.

Þetta kemur fram í Viðskiptablaðinu í morgun. Þar segir að greitt sé fyrir fasteignina að stærstum hluta með peningum, en hluti með tveimur fasteignum – Lækjargötu 4 í Reykjavík þar sem veitingastaðurinn Jómfrúin er til húsa, og svo Lágmúla 7 þar sem er að finna vörugeymslu sem nú er leigð út til Sýnar og Nova.

Esso-húsið svokallaða er um 3.400 fermetrar að stærð, en Olíufélagið lét reisa það árið 1975.

Listaverk við Suðurlandsbraut 18. Vísir/Vilhelm

Um tíma stóð til að opna hótel í húsinu en fallið var frá þeim áformum. Síðasta sumar var svo gerður tuttugu ára leigusamningur við Kvikmyndaskóla Íslands sem verður áfram í gildi samkvæmt frétt Viðskiptablaðsins.

Markaðir Hús og heimili Reykjavík


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið