Viðskipti innlent

Gréta María ráðin fram­kvæmda­stjóri hjá Brimi

Atli Ísleifsson skrifar
Gréta María Grétarsdóttir.
Gréta María Grétarsdóttir. Vísir/Vilhelm

Gréta María Grétarsdóttir, fyrrverandi framkvæmdastjóri Krónunnar, hefur verið ráðin sem framkvæmstastjóri Nýsköpunar, samfélagsábyrgðar og fjárfestatengsla hjá sjávarútvegsfyrirtækinu Brimi.

Í tilkynningu kemur fram að Gréta María sé með víðtæka reynslu úr atvinnulífinu. Hún var framkvæmdastjóri Krónunnar þar til í vor og áður fjármálastjóri Festi.

„Gréta hlaut Viðskiptaverðlaun Viðskiptablaðsins og Frjálsrar verslunar árið 2019 fyrir áherslu á umhverfis- og lýðheilsumál í störfum sínum hjá Krónunni. Hún býr einnig að reynslu úr bankakerfinu og upplýsingatæknigeiranum. Hún hefur setið í fjölmörgum stjórnum og einnig sinnt kennslu við verkfræðideild Háskóla Íslands og við MPM nám í verkefnastjórn. Gréta lauk meistaragráðu í verkfræði frá Háskóla Íslands 2008,“ segir í tilkynningunni.

Haft er eftir Grétu Maríu að hún sé mjög ánægð að vera komin til Brims og hlakki til að taka þátt í áframhaldandi uppbyggingu á fyrirtækinu. „Brim hefur verið leiðandi í umhverfismálum og við munum halda áfram að starfa í sátt við umhverfið og samfélagið. Við munum einnig leggja okkar af mörkum við að styðja við verðmætasköpun í bláa hagkerfinum með öflugri rannsóknar og þróunarvinnu,“ segir Gréta.

Hjá Brimi starfa um 800 manns en fyrirtækið framleiðir afurðir úr sjávarfangi.

Sjávarútvegur Vistaskipti

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið