Innlent

Sá eini sem greindist innan­lands var utan sótt­kvíar

Sunna Kristín Hilmarsdóttir skrifar
Bólusetningar eldri borgara halda áfram hjá heilsugæslunni í dag.
Bólusetningar eldri borgara halda áfram hjá heilsugæslunni í dag. Vísir/Vilhelm

Einn greindist með kórónuveiruna innanlands í gær. Hann var utan sóttkvíar við greiningu. Þá greindist einn við landamæraskimun en beðið er niðurstöðu mótefnamælingar.

Þetta kemur fram í uppfærðum tölum á covid.is. 1333 sýni voru tekin innanlands og 244 sýni voru tekin við landamæraskimun.

40 manns eru nú í einangrun með Covid-19, 21 er í sóttkví og 899 manns í skimunarsóttkví.

Nýgengi innanlandssmita er 5,5 og nýgengi landamærasmita er einnig 5,5. Í gær voru bæði nýgengin 5,7.

Alls hafa nú 6.011 einstaklingar greinst með kórónuveiruna hérlendis. Sá sem greindist í dag er sá fyrsti sem greinist með veiruna utan sóttkvíar síðan 20. janúar.

Fáir hafa greinst með veiruna innanlands síðustu tvær vikur eða all nítján manns. Þórólfur Guðnason, sóttvarnalæknir, hefur boðað að mögulega verði farið fyrr í tilslakanir á samkomutakmörkunum en áður hafði verið stefnt að vegna fárra smita.

Núgildandi reglugerð á samkomutakmörkunum gildir til 17. febrúar. Þórólfur sagði á upplýsingafundi í gær að hann myndi skila tillögum að tilslökunum til heilbrigðisráðherra í vikunni en samkvæmt upplýsingum fréttastofu hefur hann ekki skilað tillögum enn sem komið er.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.