Opið bréf til formanns Samfylkingarinnar Birgir Dýrfjörð skrifar 2. febrúar 2021 07:31 Sæll félagi Logi Már Einarsson. Ástæða þess að ég sendi þetta bréf fyrir framan alþjóð er sú, að ég heyrði skýringu þína í fjölmiðlum þegar út spurðist, að Ágústi Ólafi alþingismanni Samfylkingarinnar hafði verið sparkað niður framboðslista flokksins. Þú sagðir að þetta væri lýðræðislega fengin niðurstað í 14 manna uppstillingarnefnd. Sú skýring þín er alröng. Niðurstaðan var studd með fjórum atkvæðum í stjórn fulltrúaráðsins. (Fjórmenninga klíku að hætti Marxista.) Þar er okkar lýðræði í dag. Vegna góðra kynna við þig Logi er ég sannfærður um að þú hafir ekki fengið aðra vitneskju en þá, að um hafi verið að ræða hóp 14 fulltrúa. Skoðanakönnun Gallup Ég sat sjálfur í 14 manna nefndinni og studdi þar Ágúst Ólaf sitjandi þingmann okkar í fyrsta sæti. Áður en formleg störf uppstillingarnefndar hófust, skýrði ég frá nýrri skoðanakönnun, sem ég hafði vitneskju um. Þegar ég sagði af mér nefndarstörfum og gekk af fundi nefndarinnar, þá tók ég skýrt fram að fyrri vitneskja mín um skoðanakönnun, sem ég bar inn í nefndina í upphafi, félli ekki undir þagnarheit mitt sem nefndarmanns. Ég myndi því skýra frá henni teldi ég þess þörf. Og nú tel ég Logi, fulla þörf að upplýsa flokksfólk um það mál. Þessi skoðanakönnun, sem full ástæða er til að taka mark á sýndi, að í kjördæmi Ágústar mældist Samfylkingin stærri en Sjálfstæðisflokkurinn. Könnunin sýndi líka að í kjördæmi Ágústar hafði Samfylkingin hæst hlutfall fylgis hjá ungu fólki. Ég veit Logi, að þér ætti að vera fært að sjá þessa könnun, sem Gallup framkvæmdi. M/fs; Má ekkert segja hér gott um þennan mann? Verkefni uppstillingarnefndar var að raða saman sigurstranglegum lista. Ég benti á, að samkvæmt þessari skoðanakönnun hefðu kjósendur í kjördæmi Ágústar þegar valið, hvað þeim þætti best. Það fellur síðan undir þagnarskyldu mína að þegja yfir sérkennilegum viðbrögðum sumra nefndarmanna við þeim upplýsingum, sem þessi könnun birti okkur. Þau viðbrögð komu mér svo mikið á óvart, að ég missti út úr mér og kallaði yfir salinn; „má ekkert gott segja hér um þennan mann?“ Atkvæðagreiðslur Það var smíðað í reglur nefndarinnar, að ef ekki næðist sátt um skipan listanna þá skildi endanleg ákvörðun fara til kjörinna fulltrúa í stjórn fulltrúaráðsins. Þegar uppstillinganefndin hafði rætt mál Ágústar á mörgum fundum óskaði ég eftir atkvæðagreiðslu til, að kanna stuðning við Ágúst í annað sæti. Svarið var trúboðalegt: Við eigum ekki að ná niðurstöðu með því að bera hvert annað ofurliði með atkvæðum. Þetta er dæmi um Stalíníska vörn móti lýðræði. Það skaut því nokkuð skökku við þegar formaður nefndarinnar tók mál Ágústar Ólafs eitt og sér til atkvæða og ákvörðunar í stjórn fulltrúaráðsins þar, sem hann er formaður. Atkvæða greiðslan var um það, hvort taka ætti tilboði Ágústar um að vera í 2. sæti. Nú er spurt Hvernig var þessi atkvæðagreiðsla í stjórn Fulltrúaráðsins. Var hún í heyranda hljóði eins og aðrar á fundum uppstillingarnefndarinnar? Eða var atkvæðum safnað með símtölum formanns við einn og einn í stjórninni? Ákvörðun stjórnarinnar var kynnt þannig, að Þrír studdu tilboð Ágústar að vera í öðru sæti í Rvk.suður. Fjórir höfnuðu tilboði þingmanns flokksins um, að taka 2. sæti. Skrípaleikur Ágústi verður sparkað út af þingi með skóför (fjórmenningaklíkunnar) á rassinum. Orðstír klíkunnar mun lengi lifa. Ekki síst vegna þess að þessi skrípaleikur mun draga mjög úr fylgi flokksins í komandi kosningum. Og valda lamandi illdeilum. Þetta veit ég eftir urmul af símtölum frá fólki sem fordæmir aðför stjórnar fulltrúaráðsins að Ágústi Ólafi. Launsátrið. Sporin hræða. Það var ekkert við það að athuga árið 2015 að bjóða fram gegn Árna Páli, formanni. En launsátrið, sem blasti við þjóðinni, þegar tilkynnt var um framboð gegn honum í kvöldfréttum daginn fyrir setningu landsfundar, og vitneskjan um hvernig að því framboði var unnið, ofbauð réttlætiskennd flokksfólks og almennings. Flokkurinn missti andlitið og uppskar almenna skömm og andúð. Fólk vildi ekkert hafa með þannig flokk að gera. Flokkurinn hrundi í öllum kjördæmum og náði hvergi þingmanni nema í Norð-austur kjördæmi. Þar átti Framsóknarflokkurinn í vanda og nærri níu hundruð kjósendur strikuðu Sigmund Davíð út. Framsóknarfólk á Akureyri lét sér ekki nægja að útstrika Sigmund D. Það kaus í staðinn góðan samstarfsmann sinn í Bæjarstjórn Akureyrar Loga Má Einarsson. Þannig björguðu Sigmundur Davíð og Logi Már Samfylkingunni frá örlögum risaeðlanna. Hvað skal gera? Ég veit vel Logi og ég met það við þig, að þú villt ekki blanda þér í skipan framboða í einstöku kjördæmum. En í Reykjavík þarf nú yfirvegað fólk, að bjarga flokknum frá að missa andlitið með fyrirsjáanlegu fylgistapi, og langvarandi illdeilum, sem stafa alls ekki af málefna ágreiningi. Heldur af pólitískri skákblindu. Þannig sjáum við ekki hvernig við misbjóðum sjálfum okkur og réttlætiskennd flokksfélaga og almennings. Nú þarf Logi gott fólk, að setjast niður með stjórn fulltrúaráðsins í þeim tilgangi, að hún endurskoði þá samþykkt sína, að hafna því tilboði Ágústar að hann skipi annað sæti á lista Samfylkingarinnar í Reykjavíkurkjördæmi.-suður. Metnaður einstaklinga verður þar að víkja fyrir hagsmunum fjöldans. Höfundur er í flokksstjórn Samfylkingarinnar. Viltu birta grein á Vísi? Sendu okkur póst. Senda grein Samfylkingin Skoðun: Kosningar 2021 Birgir Dýrfjörð Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Halldór 18.05.2024 Halldór Er klassískt frjálslyndi orðið að jaðarskoðun? Kári Allansson Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun Forseti Íslands veifaði mér Fjóla Einarsdóttir Skoðun Halla Hrund eða Katrín? Reynir Böðvarsson Skoðun Kynhluthlaust mál, máltilfinning og forsetaframboð Höskuldur Þráinsson Skoðun Ákall til framtíðar: Nám í félagsráðgjöf! Steinunn Bergmann Skoðun Lexía lærð á hálfum degi Stefanía Arnardóttir Skoðun Formaður húsfélagsins Guðmundur Andri Thorsson Skoðun Til áréttingar Kári Stefánsson Skoðun Skoðun Skoðun Góð gildi og staðfesta Höllu Hrundar Margrét Reynisdóttir skrifar Skoðun Halla Hrund eða Katrín? Reynir Böðvarsson skrifar Skoðun Til áréttingar Kári Stefánsson skrifar Skoðun Kynhluthlaust mál, máltilfinning og forsetaframboð Höskuldur Þráinsson skrifar Skoðun Er klassískt frjálslyndi orðið að jaðarskoðun? Kári Allansson skrifar Skoðun Forseti Íslands veifaði mér Fjóla Einarsdóttir skrifar Skoðun Ákall til framtíðar: Nám í félagsráðgjöf! Steinunn Bergmann skrifar Skoðun Lexía lærð á hálfum degi Stefanía Arnardóttir skrifar Skoðun Ég kýs Helgu Þórisdóttur Gerður Rún Guðlaugsdóttir skrifar Skoðun Yfirborðskenndur stríðsáróður og McCarthýismi hjá háskólaprófessor Tjörvi Schiöth skrifar Skoðun Formaður húsfélagsins Guðmundur Andri Thorsson skrifar Skoðun Opið bréf til landsliðsmanna Íslands í blaki Guðbergur Egill Eyjólfsson skrifar Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt skrifar Skoðun Kosningum frestað Ása Berglind Hjálmarsdóttir,Hrönn Guðmundsdóttir skrifar Skoðun Mesti stjórnmálamaðurinn? Hjörtur J. Guðmundsson skrifar Skoðun Birni Bjarnasyni svarað Arnar Þór Jónsson skrifar Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar Skoðun Baldur Þórhallsson er vitur og vís Bryndís Friðgeirsdóttir skrifar Skoðun Kjósum Katrínu Kjartan Ragnarsson skrifar Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar Skoðun Nýtt sveitarfélag Halla Signý Kristjánsdóttir skrifar Skoðun Stafrænn ójöfnuður á upplýsingaöld Stella Samúelsdóttir,Alma Ýr Ingólfsdóttir skrifar Skoðun Varfærnisleg fagnaðarlæti Berglind Sunna Bragadóttir skrifar Skoðun „Ég skal baka fyrir Gunnar en ég kýs Kristján“ Páll Magnússon skrifar Skoðun Daðrað við sölu Björn Sævar Einarsson skrifar Skoðun Rannsóknir á söfnum skapa dýrmæta þekkingu Arndís Bergsdóttr skrifar Skoðun Sagan sem verður að segja Drífa Snædal skrifar Skoðun Nýsköpun innviða Jóhanna Ýr Jóhannsdóttir skrifar Skoðun Fjöldi fyrirtækja hætta með Rapyd Oddný Björg Rafnsdóttir skrifar Skoðun Forsetaframbjóðendur undir áhrifum Kremlverja? Bjarni Már Magnússon skrifar Sjá meira
Sæll félagi Logi Már Einarsson. Ástæða þess að ég sendi þetta bréf fyrir framan alþjóð er sú, að ég heyrði skýringu þína í fjölmiðlum þegar út spurðist, að Ágústi Ólafi alþingismanni Samfylkingarinnar hafði verið sparkað niður framboðslista flokksins. Þú sagðir að þetta væri lýðræðislega fengin niðurstað í 14 manna uppstillingarnefnd. Sú skýring þín er alröng. Niðurstaðan var studd með fjórum atkvæðum í stjórn fulltrúaráðsins. (Fjórmenninga klíku að hætti Marxista.) Þar er okkar lýðræði í dag. Vegna góðra kynna við þig Logi er ég sannfærður um að þú hafir ekki fengið aðra vitneskju en þá, að um hafi verið að ræða hóp 14 fulltrúa. Skoðanakönnun Gallup Ég sat sjálfur í 14 manna nefndinni og studdi þar Ágúst Ólaf sitjandi þingmann okkar í fyrsta sæti. Áður en formleg störf uppstillingarnefndar hófust, skýrði ég frá nýrri skoðanakönnun, sem ég hafði vitneskju um. Þegar ég sagði af mér nefndarstörfum og gekk af fundi nefndarinnar, þá tók ég skýrt fram að fyrri vitneskja mín um skoðanakönnun, sem ég bar inn í nefndina í upphafi, félli ekki undir þagnarheit mitt sem nefndarmanns. Ég myndi því skýra frá henni teldi ég þess þörf. Og nú tel ég Logi, fulla þörf að upplýsa flokksfólk um það mál. Þessi skoðanakönnun, sem full ástæða er til að taka mark á sýndi, að í kjördæmi Ágústar mældist Samfylkingin stærri en Sjálfstæðisflokkurinn. Könnunin sýndi líka að í kjördæmi Ágústar hafði Samfylkingin hæst hlutfall fylgis hjá ungu fólki. Ég veit Logi, að þér ætti að vera fært að sjá þessa könnun, sem Gallup framkvæmdi. M/fs; Má ekkert segja hér gott um þennan mann? Verkefni uppstillingarnefndar var að raða saman sigurstranglegum lista. Ég benti á, að samkvæmt þessari skoðanakönnun hefðu kjósendur í kjördæmi Ágústar þegar valið, hvað þeim þætti best. Það fellur síðan undir þagnarskyldu mína að þegja yfir sérkennilegum viðbrögðum sumra nefndarmanna við þeim upplýsingum, sem þessi könnun birti okkur. Þau viðbrögð komu mér svo mikið á óvart, að ég missti út úr mér og kallaði yfir salinn; „má ekkert gott segja hér um þennan mann?“ Atkvæðagreiðslur Það var smíðað í reglur nefndarinnar, að ef ekki næðist sátt um skipan listanna þá skildi endanleg ákvörðun fara til kjörinna fulltrúa í stjórn fulltrúaráðsins. Þegar uppstillinganefndin hafði rætt mál Ágústar á mörgum fundum óskaði ég eftir atkvæðagreiðslu til, að kanna stuðning við Ágúst í annað sæti. Svarið var trúboðalegt: Við eigum ekki að ná niðurstöðu með því að bera hvert annað ofurliði með atkvæðum. Þetta er dæmi um Stalíníska vörn móti lýðræði. Það skaut því nokkuð skökku við þegar formaður nefndarinnar tók mál Ágústar Ólafs eitt og sér til atkvæða og ákvörðunar í stjórn fulltrúaráðsins þar, sem hann er formaður. Atkvæða greiðslan var um það, hvort taka ætti tilboði Ágústar um að vera í 2. sæti. Nú er spurt Hvernig var þessi atkvæðagreiðsla í stjórn Fulltrúaráðsins. Var hún í heyranda hljóði eins og aðrar á fundum uppstillingarnefndarinnar? Eða var atkvæðum safnað með símtölum formanns við einn og einn í stjórninni? Ákvörðun stjórnarinnar var kynnt þannig, að Þrír studdu tilboð Ágústar að vera í öðru sæti í Rvk.suður. Fjórir höfnuðu tilboði þingmanns flokksins um, að taka 2. sæti. Skrípaleikur Ágústi verður sparkað út af þingi með skóför (fjórmenningaklíkunnar) á rassinum. Orðstír klíkunnar mun lengi lifa. Ekki síst vegna þess að þessi skrípaleikur mun draga mjög úr fylgi flokksins í komandi kosningum. Og valda lamandi illdeilum. Þetta veit ég eftir urmul af símtölum frá fólki sem fordæmir aðför stjórnar fulltrúaráðsins að Ágústi Ólafi. Launsátrið. Sporin hræða. Það var ekkert við það að athuga árið 2015 að bjóða fram gegn Árna Páli, formanni. En launsátrið, sem blasti við þjóðinni, þegar tilkynnt var um framboð gegn honum í kvöldfréttum daginn fyrir setningu landsfundar, og vitneskjan um hvernig að því framboði var unnið, ofbauð réttlætiskennd flokksfólks og almennings. Flokkurinn missti andlitið og uppskar almenna skömm og andúð. Fólk vildi ekkert hafa með þannig flokk að gera. Flokkurinn hrundi í öllum kjördæmum og náði hvergi þingmanni nema í Norð-austur kjördæmi. Þar átti Framsóknarflokkurinn í vanda og nærri níu hundruð kjósendur strikuðu Sigmund Davíð út. Framsóknarfólk á Akureyri lét sér ekki nægja að útstrika Sigmund D. Það kaus í staðinn góðan samstarfsmann sinn í Bæjarstjórn Akureyrar Loga Má Einarsson. Þannig björguðu Sigmundur Davíð og Logi Már Samfylkingunni frá örlögum risaeðlanna. Hvað skal gera? Ég veit vel Logi og ég met það við þig, að þú villt ekki blanda þér í skipan framboða í einstöku kjördæmum. En í Reykjavík þarf nú yfirvegað fólk, að bjarga flokknum frá að missa andlitið með fyrirsjáanlegu fylgistapi, og langvarandi illdeilum, sem stafa alls ekki af málefna ágreiningi. Heldur af pólitískri skákblindu. Þannig sjáum við ekki hvernig við misbjóðum sjálfum okkur og réttlætiskennd flokksfélaga og almennings. Nú þarf Logi gott fólk, að setjast niður með stjórn fulltrúaráðsins í þeim tilgangi, að hún endurskoði þá samþykkt sína, að hafna því tilboði Ágústar að hann skipi annað sæti á lista Samfylkingarinnar í Reykjavíkurkjördæmi.-suður. Metnaður einstaklinga verður þar að víkja fyrir hagsmunum fjöldans. Höfundur er í flokksstjórn Samfylkingarinnar.
Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun
Skoðun Yfirborðskenndur stríðsáróður og McCarthýismi hjá háskólaprófessor Tjörvi Schiöth skrifar
Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt skrifar
Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar
Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar
Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun