Viðskipti innlent

Þurfa að af­henda skatt­rann­sóknar­stjóra gögn um er­lent fé­lag

Hallgerður Kolbrún E. Jónsdóttir skrifar
Landsréttur staðfesti úrskurð héraðsdóms Reykjavíkur. 
Landsréttur staðfesti úrskurð héraðsdóms Reykjavíkur.  Vísir/Vilhelm

Landsréttur hefur staðfest úrskurð héraðsdóms Reykjavíkur um að innlendir aðilar þurfi að afhenda skattrannsóknarstjóra gögn um erlend félög.

Málið snýst um kröfu félags sem kallað er X Ltd. í dómnum en það er er skráð í lágskattaríkinu Belís.

Félagið Y ehf., sem skráð er hér á landi og heldur ekki kallað sínu rétta nafni í dómnum, hafði verið beðið af skattrannsóknarstjóra ríkisins að afhenda gögn sem vörðuðu X Ltd. Taldi X að beiðnin væri ólögmæt en því hafnaði héraðsdómur.

Fram kemur í úrskurði Landsréttar að skattrannsóknarstjóri hefði víðtæka heimild til að afla gagna og upplýsinga í þágu rannsóknar, meðal annars hjá öðrum en þeim sem grunaður er um að hafa brotið gegn skattalögum. Skattrannsóknarstjóri mætti því sækja upplýsinga hjá þriðja aðila.

Rannsókn skattrannsóknarstjóra beinist í þessu tilfelli að meintum brotum annars ónafngreinds félags, Z hf., og talið var að gögn frá X kynnu að geyma upplýsingar sem hefðu sönnunargildi um ætluð brot Z. Rannsóknarhagsmunir hefðu því krafist þess að þær upplýsingar yrðu látin skattrannsóknarstjóra í té.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×