Viðskipti innlent

Marel kaupir PMJ

Elín Margrét Böðvarsdóttir skrifar
Marel hefur lokið kaupum á PMJ, alþjóðlegum framleiðanda hátæknilausna í andaiðnaði.
Marel hefur lokið kaupum á PMJ, alþjóðlegum framleiðanda hátæknilausna í andaiðnaði. Vísir/Hanna

Marel hefur lokið kaupum á fyrirtækinu PMJ, alþjóðlegum framleiðanda hátæknilausna fyrir andaiðnað. Þetta kemur fram í tilkynningu frá Marel en þar kemur fram að PMJ sé í forystu hvað varðar þróun lausna í anda- og gæsaiðnaði. Kaupverðs er ekki getið í tilkynningunni. PMJ var stofnað sem fjölskyldufyrirtæki árið 1998 en nú nema árstekjur fyrirtækisins um fimm miljónum evra og starfa fjörutíu starfsmenn hjá fyrirtækinu í Opmeer í Hollandi.

„Vöruframboð Marel og PMJ fellur vel saman og í sameiningu geta félögin boðið viðskiptavinum sínum í andaiðnaði upp á heildarlausnir sem ná yfir allt vinnsluferlið í andaiðnaði. Marel mun í kjölfarið vera í sterkari stöðu til að stækka viðskiptavinahóp sinn í andaiðnaði og mun nýta til þess sitt alþjóðlega sölu- og þjónustunet. Saman munu Marel og PMJ vera farabroddi þegar kemur að því að auka sjálfvirkni í andaiðnaði í samstarfi við sína viðskiptavini,“ segir í tilkynningunni frá Marel.

Markaður fyrir andakjöt sé stór og fari vaxandi á heimsvísu en áætlað virði alþjóðlegs markaðar fyrir andakjöt er um sex milljarðar evra. Vegur Kínamarkaður þungt eða um 70% samkvæmt tilkynningunni, en Marel hefur sterka stöðu á þeim markaði.

„Margir af stærstu framleiðendum heims í andaiðnaði eru á meðal viðskiptavina PMJ og með því að nýta alþjóðlegt sölu- og þjónustunet Marel og stafrænar lausnir verður hægt að skapa tækifæri til frekari vaxtar auk þess að auka þjónustu við viðskiptavini til framtíðar,“ segir ennfremur í tilkynningunni en stefnt er að því að stjórnendur PMJ muni áfram starfa hjá félaginu.

„Við erum mjög ánægð með kaupin. Það er rökrétt skref fyrir Marel að útvíkka þriðju stoðina í kjúklingaiðnaði með því að styrkja starfsemi sína í þróun og framleiðslu lausna fyrir andaiðnað til viðbótar við kjúklinga- og kalkúnaiðnað. Marel og PMJ eiga það sameiginlegt að búa yfir mikilli tækniþekkingu og reynslu á sviði nýsköpunar og þróunar. Lausnir PMJ búa yfir miklum gæðum sem eru til vitnis um 23 ára reynslu félagsins af nýsköpun í þróun lausna fyrir andaiðnaðinn. Með því að sameina krafta okkar og leggja áfram áherslu á nýsköpun erum við í sterkari stöðu til að umbylta andaiðnaðinum í samstarfi við okkar viðskiptavini,“ er haft eftir Roger Claessens, framkvæmdastjóra kjúklingaiðnaðar hjá Marel.

Forstjóri PMJ kveðst stoltur af árangri fyrirtækisins. „Við erum stolt af PMJ og þeim árangri sem við höfum náð í samstarfi við okkar starfsfólk og viðskiptavini út um allan heim. Þegar reynsla okkar, þekking og hágæðalausnir í andaiðnaði sameinast þekkingu og alþjóðlegu sölu- og þjónustuneti Marel verðum við í stakk búin til að taka næsta skref áfram og þjónusta okkar viðskiptavini betur en nokkru sinni fyrr,“ er haft eftir Bas vand der Veldt, forstjóra PMJ, í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
TM
3,28
1
20.790
SIMINN
0,31
4
45.585
ORIGO
0,25
6
1.603
VIS
0
4
5.770

Mesta lækkun dagsins


Félag
Br.%
Fjöldi
Velta*
ICEAIR
-6,48
112
128.484
EIM
-1,71
8
67.131
REITIR
-1,67
7
77.393
ARION
-1,6
17
409.516
EIK
-1,32
4
14.975
Velkomin á Vísi. Þessi vefur notar vafrakökur. Sjá nánar.