Viðskipti innlent

Meistara­deildin á­fram á Stöð 2 Sport í sam­starfi við Viaplay

Atli Ísleifsson skrifar
Bayern München fagna Meistaradeildartitlinum í ágúst síðastliðinn eftir sigur á PSG í Lissabon.
Bayern München fagna Meistaradeildartitlinum í ágúst síðastliðinn eftir sigur á PSG í Lissabon. Getty

Stöð 2 Sport hefur tryggt sér sýningarrétt að stærstu félagsliðakeppnum Evrópu í knattspyrnu og mun sýna frá Meistaradeild Evrópu, Evrópudeildinni og nýrri keppni, UEFA Europe Conference League, frá 2021 til 2024.

Þetta kemur fram í tilkynningu frá Sýn, en þar segir að sýningarréttinum sé deilt með NENT Group, sem starfræki Viaplay á Íslandi. Slíkt fyrirkomulag sé þekkt víða um heim, meðal annars í Noregi þar sem Nent og TV2 deila sýningarrétti Meistaradeildar Evrópu.

„Auk þess að sýna leiki Meistaradeildar Evrópu og Evrópudeildarinnar er Stöð 2 Sport einnig með sýningarréttinn á Íslandi að enska bikarnum, enska deildabikarnum, ensku 1. deildinni, spænska og ítalska boltanum, NBA, NFL, spænska körfuboltanum og öllum sterkustu golfmótum heims. Þar að auki er Stöð 2 Sport með metnaðarfulla dagskrárgerð í íslenskum íþróttum – knattspyrnu, handknattleik og körfubolta.

Það er Stöð 2 Sport mikið ánægjuefni að geta boðið áfram upp á úrvalsefni fyrir sína áskrifendur. Meira en 100 leikir Meistaradeildarinnar, Evrópudeildarinnar og Conference League verða sýndir árlega á Stöð 2 Sport og þeim gerð ítarleg skil í öruggum höndum færustu lýsenda og sérfræðinga landsins í vinsælustu íþrótt heims,“ segir í tilkynningunni.

Í takt við þróun víða um heim

Haft er eftir Eiríki Stefáni Ásgeirssyni, forstöðumanni Stöðvar 2 Sport, að það sé ánægjulegt að ná að tryggja áframhaldandi útsendingar og innlenda þáttagerð tengdri Meistaradeildinni, Evrópudeildinni og svo spennandi nýjungum, Conference League, þar sem íslensk félagslið geti mögulega verið þátttakendur.

„Samstarfið við Viaplay er í takt við þróun víða um heim þar sem algengt er að sýningarréttum sem þessum sé deilt. Stöð 2 Sport hefur útvíkkað ýmiskonar samstarf undanfarið og selur t.a.m. í dag aðgang að NFL Game Pass á frábæru verði og fljótlega mun samskonar samstarfi við NBA vegna NBA League Pass verða ýtt úr vör. Þessu fylgir svo fjölbreytt innlend dagskrárgerð í ýmsu formi tengdum útsendingum,“ segir Eiríkur Stefán.

Vísir er í eigu Sýnar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
TM
3,28
1
20.790
ORIGO
0,25
6
1.603
ICESEA
0,14
15
290.991
VIS
0
4
5.770

Mesta lækkun dagsins


Félag
Br.%
Fjöldi
Velta*
ICEAIR
-5,8
137
166.051
EIK
-2,02
5
111.775
MAREL
-2,01
30
355.290
EIM
-1,71
8
67.131
REITIR
-1,67
7
77.393
Velkomin á Vísi. Þessi vefur notar vafrakökur. Sjá nánar.