Golf

Fimmta bakaðgerðin hjá Tiger Woods

Óskar Ófeigur Jónsson skrifar
Tiger Woods hefur verið lengi í vandræðum með bakið á sér.
Tiger Woods hefur verið lengi í vandræðum með bakið á sér. EPA-EFE/ERIK S. LESSER

Við munum ekki sjá Tiger Woods spila á fyrstu mótunum á nýju keppnistímabili en Mastersmótið er ekki í hættu eins og er.

Tiger Woods missir af byrjun keppnistímabilsins eftir að hann fór í sína fimmtu bakaðgerð á dögunum.

Tiger Woods fann til óþæginda í bakinu á PNC mótinu í desember en það var hans síðasta mót.

Tiger sagði frá því að samfélagsmiðlum sínum að hann hafi lagst undir hnífinn þar sem var fjarlægt var brot úr hryggjarlið sem var að stingast í taug í baki hans.

Læknarnir sögðu að aðgerðin hefði heppnast vel en hinn 45 ára gamli mun missa af fyrstu mótunum á mótaröðinni.

„Ég hlakka til að geta farið að æfa á nýjan leik og er einbeittur að komast aftur á mótaröðina,“ skrifaði Tiger Woods.

Woods mun missa af Farmers Insurance Open 28. til 31. janúar og mun heldur ekki spila á Genesis Invitational frá 18. til 21. febrúar. Hann verður samt á staðnum sem gestgjafi. Mastersmótið er fyrsta risamótið og fer fram í apríl. Það er ekki í hættu eins og er.

Tiger spilaði aðeins á einu PGA-móti frá ágúst 2015 til desember 2017 en hann var þá í vandræðum með bakið sitt.

Tiger vann sitt fimmtánda risamót þegar hann fagnaði sigri á Mastersmótinu 2019 og endaði það ár í sjötta sæti heimslistans. Hann er nú kominn niður í 44. sæti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.