Skál fyrir Rauðu pöndinni | Myndband

Aðdáendur NBA-deildarinnar kannast eflaust margir við Rauðu pönduna.

Rauða pandan er listamannsnafn kínverska skemmtikraftsins Krystal Niu. Hún er fræg fyrir hálfleikssýningar sínar þar sem hún hjólar um á rúmlega tveggja metra háu einhjóli og leikur listir sínar með skálar.

Rauða pandan tróð upp í Chesapeake Energy Arena í nótt, í hálfleik í leik Oklahoma City Thunder og Houston Rockets.

Eitthvað varð Rauðu pöndunni á í messunni því henni tókst ekki að sparka öllum skálunum ofan á hvora aðra eins og sjá má á myndbandinu hér að ofan.

Rauða pandan hélt þó andliti og atriðið tókst betur í annarri tilraun.