Umfjöllun og viðtöl: Valur - Haukar 33-26 | Nielsen lagði grunninn að sigri Vals Ingvi Þór Sæmundsson í Vodafonehöllinni skrifar 15. desember 2014 12:23 Guðmundur Hólmar, leikmaður Vals. Frábær frammistaða Stephens Nielsen lagði grunninn að sjö marka sigri, 33-26, Vals á Haukum í 15. umferð Olís-deildar karla í Vodafone-höllinni í kvöld. Daninn, sem kom til Vals frá Fram í sumar, lokaði markinu á löngum köflum í leiknum í kvöld og varði alls 24 skot. Þetta var langt frá því að vera fyrsti stórleikur Nielsen í vetur og með það í huga má alveg velta því upp hvort hann geti orðið íslenska landsliðinu að gagni í framtíðinni. Miðað við stöðugleikann sem Nielsen hefur sýnt í vetur er svarið já, allavega hjá undirrituðum. Nielsen varði einfaldlega allt sem á markið kom á fyrstu mínútum leiksins. Haukum tókst oft að spila sig í fín færi, það vantaði ekki, en þeim gekk bölvanlega að koma boltanum framhjá Dananum snjalla sem varði alls 14 skot í fyrri hálfleik. Sóknarleikur Valsmanna var einnig góður og þeir áttu ekki í miklum vandræðum með að brjóta Haukavörnina á bak aftur. Gestirnir úr Hafnarfirðinum byrjuðu í framliggjandi vörn sem þeir virtust ekki ráða við, því Valsmenn skoruðu að vild, hvort sem það var úr hröðum sóknum eða uppstilltum leik. Valsmenn náðu mest níu marka forystu, 15-6, eftir 21 mínútna leik og allt virtist stefna í meiriháttar niðurlægingu fyrir gestina. En varnarleikur Hauka batnaði eftir að þeir breyttu í 6-0 vörn og þá kom Janus Daði Smárason með nauðsynlegan kraft inn í sóknarleikinn. Hann skoraði fjögur af tíu mörkum Hauka í fyrri hálfleik og sex mörk alls. Samt sem áður voru Valsmenn sjö mörkum yfir í leikhléi, 17-10, og þann mun náðu Haukar aldrei að brúa. Gestirnir náðu í tvígang að minnka muninn í fjögur mörk, en nær komust Hafnfirðingar ekki. Valsmenn héldu nokkuð góðri einbeitingu út leikinn og unnu að lokum sjö marka sigur, 33-26. Nielsen var sem áður segir magnaður í markinu og stóð upp úr í jöfnu liði Vals sem hefur spilað liða best undanfarnar vikur. Vörnin er traust og þá eru hraðaupphlaup liðsins mjög góð, en alls skoruðu leikmenn Vals 11 mörk eftir hraðaupphlaup í kvöld. Haukar geta tekið fátt jákvætt úr þessum leik, nema helst það að þeir héldu áfram og héldu haus eftir að hafa lent níu mörkum undir í fyrri hálfleik. Markverðir Hafnfirðinga áttu ekki góðan leik og þá var Árni Steinn Steinþórsson heillum horfinn eins og hann hefur verið í of mörgum leikjum í vetur. Þá náði Adam Haukur Baumruk sér ekki á strik, en það var helst Janus sem sýndi lit í liði Hauka í kvöld.Jón: Hjálpar mikið að vera með svona markvörslu Jón Kristjánsson, þjálfari Vals, var að vonum sáttur með sigurinn á Haukum í kvöld. "Ég er mjög ánægður með hvernig þessi leikur fór og hvernig okkur hefur gengið að undanförnu," sagði Jón sem hrósaði Stephen Nielsen fyrir frammistöðu hans í marki Vals, en Daninn varði 24 skot í leiknum. "Hann er búinn að vera mjög góður og það hjálpar mikið að vera með svona markvörslu," sagði Jón, en telur hann að Nielsen geti hjálpað íslenska landsliðinu í framtíðinni? "Mögulega, ég veit það ekki. Hann er allavega frábær markvörður." Valsmenn byrjuðu leikinn frábærlega og voru komnir níu mörkum yfir eftir rúmlega 20 mínútna leik. Eftir það var sigur Vals aldrei í hættu, en hvernig fannst Jóni hans mönnum ganga að halda einbeitingu? "Mér fannst við aðeins missa dampinn varnarlega. Það er alltaf erfitt að falla ekki í þá gryfju að ætla að halda þegar þú ert með mikla forystu. Við gerðum það að einhverju leyti, en Haukar komust aldrei hættulega nærri okkur. "Það voru kaflar í leiknum þar sem við vorum ekki alveg upp á okkar besta, en heilt yfir var þetta góður og traustur leikur," sagði Jón sem er sáttur með þann stöðugleika sem Valur hefur sýnt á undanförnum vikum, en liðið tapaði síðast í byrjun október. "Það er búinn að vera nokkuð góður stöðugleiki og liðsheildin hjá okkur hefur verið góð og sterk. Við höfum farið langt á því."Patrekur: Fleira jákvætt en í mörgum leikjum Patrekur Jóhannesson, þjálfari Hauka, sá ljós í myrkrinu þrátt fyrir sjö marka tap sinna manna gegn Val í kvöld. "Valsararnir voru sterkari í fyrri hálfleik. Vörnin var slök og þá breytti engu hvort við spiluðum 5-1 eða 6-0 vörn, markvarslan var nánast engin og við vorum að elta allan tímann. "Sóknarlega var þetta betra en oft áður. Við sköpuðum okkur aragrúa af færum, en Stephen (Nielsen) var sterkur í marki Vals og var besti maður vallarins," sagði Patrekur sem var ánægður með að Haukaliðið skyldi ekki hafa gefist upp, þrátt fyrir vonda stöðu. "Já, eg var ánægður með það. Þrátt fyrir ósigur var fleira jákvætt en í mörgum öðrum leikjum. "Við höfum verið skelfilegir í nokkrum leikjum í vetur, en í kvöld sá ég merki þess að það gæti farið að birta til. Við þurfum að halda þessari vinnu áfram. "En auðvitað þurfa menn að sýna meiri gæði þegar þeir eru komnir einir gegn markmanni, það er það besta sem maður fær í handbolta. Menn þurfa líka að láta finna fyrir sér varnarlega," sagði Patrekur að endingu. Olís-deild karla Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Við gleymum okkur á veiku hliðinni“ Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira
Frábær frammistaða Stephens Nielsen lagði grunninn að sjö marka sigri, 33-26, Vals á Haukum í 15. umferð Olís-deildar karla í Vodafone-höllinni í kvöld. Daninn, sem kom til Vals frá Fram í sumar, lokaði markinu á löngum köflum í leiknum í kvöld og varði alls 24 skot. Þetta var langt frá því að vera fyrsti stórleikur Nielsen í vetur og með það í huga má alveg velta því upp hvort hann geti orðið íslenska landsliðinu að gagni í framtíðinni. Miðað við stöðugleikann sem Nielsen hefur sýnt í vetur er svarið já, allavega hjá undirrituðum. Nielsen varði einfaldlega allt sem á markið kom á fyrstu mínútum leiksins. Haukum tókst oft að spila sig í fín færi, það vantaði ekki, en þeim gekk bölvanlega að koma boltanum framhjá Dananum snjalla sem varði alls 14 skot í fyrri hálfleik. Sóknarleikur Valsmanna var einnig góður og þeir áttu ekki í miklum vandræðum með að brjóta Haukavörnina á bak aftur. Gestirnir úr Hafnarfirðinum byrjuðu í framliggjandi vörn sem þeir virtust ekki ráða við, því Valsmenn skoruðu að vild, hvort sem það var úr hröðum sóknum eða uppstilltum leik. Valsmenn náðu mest níu marka forystu, 15-6, eftir 21 mínútna leik og allt virtist stefna í meiriháttar niðurlægingu fyrir gestina. En varnarleikur Hauka batnaði eftir að þeir breyttu í 6-0 vörn og þá kom Janus Daði Smárason með nauðsynlegan kraft inn í sóknarleikinn. Hann skoraði fjögur af tíu mörkum Hauka í fyrri hálfleik og sex mörk alls. Samt sem áður voru Valsmenn sjö mörkum yfir í leikhléi, 17-10, og þann mun náðu Haukar aldrei að brúa. Gestirnir náðu í tvígang að minnka muninn í fjögur mörk, en nær komust Hafnfirðingar ekki. Valsmenn héldu nokkuð góðri einbeitingu út leikinn og unnu að lokum sjö marka sigur, 33-26. Nielsen var sem áður segir magnaður í markinu og stóð upp úr í jöfnu liði Vals sem hefur spilað liða best undanfarnar vikur. Vörnin er traust og þá eru hraðaupphlaup liðsins mjög góð, en alls skoruðu leikmenn Vals 11 mörk eftir hraðaupphlaup í kvöld. Haukar geta tekið fátt jákvætt úr þessum leik, nema helst það að þeir héldu áfram og héldu haus eftir að hafa lent níu mörkum undir í fyrri hálfleik. Markverðir Hafnfirðinga áttu ekki góðan leik og þá var Árni Steinn Steinþórsson heillum horfinn eins og hann hefur verið í of mörgum leikjum í vetur. Þá náði Adam Haukur Baumruk sér ekki á strik, en það var helst Janus sem sýndi lit í liði Hauka í kvöld.Jón: Hjálpar mikið að vera með svona markvörslu Jón Kristjánsson, þjálfari Vals, var að vonum sáttur með sigurinn á Haukum í kvöld. "Ég er mjög ánægður með hvernig þessi leikur fór og hvernig okkur hefur gengið að undanförnu," sagði Jón sem hrósaði Stephen Nielsen fyrir frammistöðu hans í marki Vals, en Daninn varði 24 skot í leiknum. "Hann er búinn að vera mjög góður og það hjálpar mikið að vera með svona markvörslu," sagði Jón, en telur hann að Nielsen geti hjálpað íslenska landsliðinu í framtíðinni? "Mögulega, ég veit það ekki. Hann er allavega frábær markvörður." Valsmenn byrjuðu leikinn frábærlega og voru komnir níu mörkum yfir eftir rúmlega 20 mínútna leik. Eftir það var sigur Vals aldrei í hættu, en hvernig fannst Jóni hans mönnum ganga að halda einbeitingu? "Mér fannst við aðeins missa dampinn varnarlega. Það er alltaf erfitt að falla ekki í þá gryfju að ætla að halda þegar þú ert með mikla forystu. Við gerðum það að einhverju leyti, en Haukar komust aldrei hættulega nærri okkur. "Það voru kaflar í leiknum þar sem við vorum ekki alveg upp á okkar besta, en heilt yfir var þetta góður og traustur leikur," sagði Jón sem er sáttur með þann stöðugleika sem Valur hefur sýnt á undanförnum vikum, en liðið tapaði síðast í byrjun október. "Það er búinn að vera nokkuð góður stöðugleiki og liðsheildin hjá okkur hefur verið góð og sterk. Við höfum farið langt á því."Patrekur: Fleira jákvætt en í mörgum leikjum Patrekur Jóhannesson, þjálfari Hauka, sá ljós í myrkrinu þrátt fyrir sjö marka tap sinna manna gegn Val í kvöld. "Valsararnir voru sterkari í fyrri hálfleik. Vörnin var slök og þá breytti engu hvort við spiluðum 5-1 eða 6-0 vörn, markvarslan var nánast engin og við vorum að elta allan tímann. "Sóknarlega var þetta betra en oft áður. Við sköpuðum okkur aragrúa af færum, en Stephen (Nielsen) var sterkur í marki Vals og var besti maður vallarins," sagði Patrekur sem var ánægður með að Haukaliðið skyldi ekki hafa gefist upp, þrátt fyrir vonda stöðu. "Já, eg var ánægður með það. Þrátt fyrir ósigur var fleira jákvætt en í mörgum öðrum leikjum. "Við höfum verið skelfilegir í nokkrum leikjum í vetur, en í kvöld sá ég merki þess að það gæti farið að birta til. Við þurfum að halda þessari vinnu áfram. "En auðvitað þurfa menn að sýna meiri gæði þegar þeir eru komnir einir gegn markmanni, það er það besta sem maður fær í handbolta. Menn þurfa líka að láta finna fyrir sér varnarlega," sagði Patrekur að endingu.
Olís-deild karla Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Við gleymum okkur á veiku hliðinni“ Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira