Höfnuðu tillögu til bjargar Norwegian

Kjartan Kjartansson skrifar 1. maí 2020 19:24

Kröfuhafar flugfélagsins Norwegian höfnuðu í dag að breyta lánum sínum í hlutafé. Óvissa er því um framtíð félagsins sem rambar á barmi gjaldþrots og glímir við bráðan lausafjárvanda.

Í tilkynningu frá Jacob Schram, forstjóra félagsins, segir að viðræður muni fara fram um helgina þar sem reynt verður til þrautar að ná samkomulagi.

„Viðræður okkar við kröfuhafa halda áfram með því skýra markmiði að ná lausn. Því miður náðum við ekki samkomulagi áður en fresturinn rann út,“ segir Schram.

Norsk stjórnvöld hafa boðið félaginu líflínu sem felst í lánum með ríkisábyrgð náist samkomulag við kröfuhafa.

Fréttir af flugi Noregur

Tengdar fréttir

Líf Norwegian hangir á bláþræði

Örlög Norwegian voru ákveðin í gær en hluthafar greiddu atkvæði í gærkvöldi um það hvort björgunarpakki sem flugfélagið lagði til yrði samþykktur. Hluthafar áttu fund klukkan 16:00 að staðartíma í gær til að kjósa um pakkann en það liggur fyrir að hlutafé félagsins verði uppurið um miðjan maí.

1. maí 2020 08:49

Fjögur dótturfélög Norwegian í þrot

Norska flugfélagið Norwegian óskaði eftir því í dag að fjögur dótturfélög fyrirtækisins yrðu tekin til gjaldþrotaskipta.

20. apríl 2020 19:00

Gengi Norwegian féll um rúmlega helming á tíu mínútum

Hrunið kom greinendum lítið á óvart.

14. apríl 2020 09:09

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir