Flottir laxar að nást í klakveiðinni Karl Lúðvíksson skrifar 10. júní 2016 14:00 Þessi 94 sm hængur veiddist í dag í Eystri Rangá og fór beint í klakkistu. Klakveiðin í Eystri Rangá er ólíkt því sem gerist í mörgum ánum því í Eystri Rangá leggja menn áherslu á að ná snemmgengnum laxi í klak. Til að ná þessum löxum fara nokkrir vaskir veiðimenn í Eystri Rangá snemmsumars til að ná nokkrum af fyrstu löxunum í klak og sérstök áhersla er á að ná stórum löxum. Þetta skilar þeim árangri að stórlaxahlutfallið í Eystri Rangá er feykna gott og árangurinn af þessu ræktunarstarfi klárlega að skila sér. Sem dæmi má nefna að um 45% af veiddum laxi í Eystri Rangá er stórlax eða tveggja ára fiskur. Fyrstu laxarnir eru þegar komnir í klakkistur og í dag bættust 10 stórlaxar við. Nokkrir af þeim veiðimönnum sem veiða í klakið voru við Eystri Rangá í dag og náðust 10 laxar á land sem fóru allir í klakkistur og sá stærsti var 94 sm hængur sem veiddist á Hofteigsbreiðu en sá veiðistaður er alltaf að koma sterkari inn með hverju árinu. Það er mjög óvenjulegt að það sé svona mikið líf snemma í júní en í báðum Rangánum er greinilega nokkuð gengið af laxi. Rangárnar eru með vinsælustu og fengsælustu veiðiám landsins og það er því klárt mál að þeir sem eiga daga í henni í sumar, þá sérstaklega snemma tímabilsins, hljóta að fagna fréttum af snemmgengnum laxi því aðalgöngurnar eru ekki byrjaðar og ef þetta er byrjunin þá hlýtur framhaldið að lofa góðu. Mest lesið 100 fiskar á land fyrsta daginn Veiði Léleg vorveiði í Bretlandi og Skotlandi Veiði 23 laxar í fyrsta hollinu í Miðfjarðará Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Óvenju góður júní í Hítará Veiði Mikið af ref á veiðislóðum Veiði Varaáætlun um jólamat! Veiði Bender þeysist um sveitir landsins Veiði Hítará óveiðandi dögum saman; 400 laxar á þurru Veiði Þingvallavatn undir yfirborðinu - töfraveröld Veiði
Klakveiðin í Eystri Rangá er ólíkt því sem gerist í mörgum ánum því í Eystri Rangá leggja menn áherslu á að ná snemmgengnum laxi í klak. Til að ná þessum löxum fara nokkrir vaskir veiðimenn í Eystri Rangá snemmsumars til að ná nokkrum af fyrstu löxunum í klak og sérstök áhersla er á að ná stórum löxum. Þetta skilar þeim árangri að stórlaxahlutfallið í Eystri Rangá er feykna gott og árangurinn af þessu ræktunarstarfi klárlega að skila sér. Sem dæmi má nefna að um 45% af veiddum laxi í Eystri Rangá er stórlax eða tveggja ára fiskur. Fyrstu laxarnir eru þegar komnir í klakkistur og í dag bættust 10 stórlaxar við. Nokkrir af þeim veiðimönnum sem veiða í klakið voru við Eystri Rangá í dag og náðust 10 laxar á land sem fóru allir í klakkistur og sá stærsti var 94 sm hængur sem veiddist á Hofteigsbreiðu en sá veiðistaður er alltaf að koma sterkari inn með hverju árinu. Það er mjög óvenjulegt að það sé svona mikið líf snemma í júní en í báðum Rangánum er greinilega nokkuð gengið af laxi. Rangárnar eru með vinsælustu og fengsælustu veiðiám landsins og það er því klárt mál að þeir sem eiga daga í henni í sumar, þá sérstaklega snemma tímabilsins, hljóta að fagna fréttum af snemmgengnum laxi því aðalgöngurnar eru ekki byrjaðar og ef þetta er byrjunin þá hlýtur framhaldið að lofa góðu.
Mest lesið 100 fiskar á land fyrsta daginn Veiði Léleg vorveiði í Bretlandi og Skotlandi Veiði 23 laxar í fyrsta hollinu í Miðfjarðará Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Óvenju góður júní í Hítará Veiði Mikið af ref á veiðislóðum Veiði Varaáætlun um jólamat! Veiði Bender þeysist um sveitir landsins Veiði Hítará óveiðandi dögum saman; 400 laxar á þurru Veiði Þingvallavatn undir yfirborðinu - töfraveröld Veiði