Kvaðst ekki hafa vitað að stúlkan væri þrettán ára Kristín Ólafsdóttir skrifar 24. janúar 2020 08:58 Dómurinn var kveðinn upp í Héraðsdómi Reykjavíkur. Vísir/Hanna Héraðsdómur Reykjavíkur sýknaði í gær rúmlega tvítugan karlmann af ákæru um kynferðisbrot gegn þrettán ára stúlku. Vitneskja hans um aldur hennar þegar meint brot var framið kom til álita við niðurstöðu dómsins. Dómurinn komst þó að þeirri niðurstöðu að ekki hefði tekist að sanna að maðurinn hefði brotið gegn stúlkunni. Móðirin tilkynnti um meint brot Maðurinn var ákærður fyrir kynferðisbrot með því að hafa í júlí 2016 látið þrettán ára stúlku hafa við sig munnmök og samræði. Þá krafðist móðir stúlkunnar fyrir hönd hennar 3,5 milljóna í skaðabætur. Maðurinn neitaði sök. Málið var fyrst tilkynnt lögreglu í ágúst 2016 með bréfi frá barnavernd. Í bréfinu greinir að móðir stúlkunnar hafi grunað að maðurinn hefði beitt dóttur hennar kynferðisofbeldi. Maðurinn og stúlkan hefðu að sögn móðurinnar verið í samskiptum á samfélagsmiðlum og þau hist. Maðurinn hefði sagst vera ári eldri en stúlkan og þau svo að endingu haft samræði, hverju stúlkan hefði í raun verið mótfallin en ekki þorað að tjá sig um það við manninn. Í skýrslu sem stúlkan gaf í Barnahúsi kemur fram að hún og maðurinn hefðu vitað um aldur hvors annars. Þau hefðu „byrjað saman“ í júní 2016 og sambandið varað í um þrjár vikur. Þá tók hún fram að maðurinn hefði „nauðgað“ sér. Hún hefði orðið kvíðin og stressuð og ekki getað sagt nei, einkum vegna þess að maðurinn væri stærri og eldri en hún. Greind með asperger-heilkenni Þá er haft eftir vinkonu stúlkunnar, sem var með henni í íbúðinni þar sem meint brot var framið umrætt kvöld, að stúlkan hefði átt frumkvæði að því að fara með manninum inn í herbergi. Þá hefði hún virst ánægð á leiðinni heim og haft á orði við vinkonuna að hún hefði misst meydóminn með ákærða. Ákærði kvað stúlkuna einnig hafa átt frumkvæði að samræði þeirra og hann hefði margítrekað spurt hana hvort hún vildi stunda kynlíf og hún hefði alltaf svarað játandi. Hann hélt því einnig fram að stúlkan hefði sagt sjálf að hún væri sautján ára og hann hafi trúað því. Þegar hann hafi komist að því hvað hún væri gömul í raun hefði hann slitið sambandi við hana. Í vottorði sálfræðings segir um stúlkuna að hún væri með áfallastreitueinkenni vegna meints kynferðisbrots. Þá hafi hún í meðferð sálfræðings verið greind með asperger-heilkenni og jafnframt ekki virst hafa skilið hvað vakti fyrir ákærða. Sérkennilegt að aldurstengdar upplýsingar hefðu ekki komið upp Dómurinn mat það svo að framburður stúlkunnar væri einlægur um það hvernig hún og ákærði nálguðust hvort annað með aldurinn, þ.e. að hann vissi að hún væri þrettán ára, og töluðu um það sín á milli að aldur væri „bara tala“. Þá hlyti það að teljast sérkennilegt, þegar litið væri til framburðar mannsins, að aldur eða aðrar aldurstengdar upplýsingar varðandi hana, til dæmis hvar hún var í skóla eða vinnu, félagsstarf, ökuréttindi og annað í þeim dúr, skyldi ekki hafa borið á góma. Við meðferð málsins fyrir dómi hallaði einmitt nokkuð á ákærða að skýra út hvenær, hvernig, hvar og hjá hverjum hann fékk að vita um aldur stúlkunnar, sem varð til þess að hann ákvað að slíta sambandi sínu við hana. Framburður mannsins varðandi þetta hafi verið óskýr, óstöðugur og í andstöðu við framburð vitnis. Við mat á þessu mat dómurinn það þó svo að tillit yrði að taka til þess að langur tími væri liðinn frá því að meint brot og önnur atvik áttu sér stað. Dómurinn taldi það ekki sannað svo hafið væri yfir skynsamlegan vafa að ákærði hefði gerst sekur um þá háttsemi sem hann var ákærður fyrir. Hann var því sýknaður af ákæru um kynferðisbrot og einkaréttarkröfu móður stúlkunnar á hendur honum var jafnframt vísað frá dómi. Allur sakarkostnaður málsins greiddist úr ríkissjóði. Barnavernd Dómsmál Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ók blindfullur við Grímsvötn og hótaði að drepa alla Innlent Langt í að þeir nái sér að fullu Innlent Vopnuð rán tíðari en fólk gerir sér grein fyrir Innlent Tveir látnir eftir að bíll hafnaði í sjónum við Stokkhólm Erlent Óttast að saga slökkviliða á Íslandi glatist Innlent Á ofsahraða undir áhrifum fíkniefna Innlent Svakalegt að sjá fylgisaukningu Höllu Hrundar Innlent Arnar Þór vantaði sex meðmæli upp á Innlent Karlremba sé komin í tísku Innlent Fengu aðstoð sérsveitar og Gæslunnar við handtöku við Grímsvötn Innlent Fleiri fréttir Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Sjá meira
Héraðsdómur Reykjavíkur sýknaði í gær rúmlega tvítugan karlmann af ákæru um kynferðisbrot gegn þrettán ára stúlku. Vitneskja hans um aldur hennar þegar meint brot var framið kom til álita við niðurstöðu dómsins. Dómurinn komst þó að þeirri niðurstöðu að ekki hefði tekist að sanna að maðurinn hefði brotið gegn stúlkunni. Móðirin tilkynnti um meint brot Maðurinn var ákærður fyrir kynferðisbrot með því að hafa í júlí 2016 látið þrettán ára stúlku hafa við sig munnmök og samræði. Þá krafðist móðir stúlkunnar fyrir hönd hennar 3,5 milljóna í skaðabætur. Maðurinn neitaði sök. Málið var fyrst tilkynnt lögreglu í ágúst 2016 með bréfi frá barnavernd. Í bréfinu greinir að móðir stúlkunnar hafi grunað að maðurinn hefði beitt dóttur hennar kynferðisofbeldi. Maðurinn og stúlkan hefðu að sögn móðurinnar verið í samskiptum á samfélagsmiðlum og þau hist. Maðurinn hefði sagst vera ári eldri en stúlkan og þau svo að endingu haft samræði, hverju stúlkan hefði í raun verið mótfallin en ekki þorað að tjá sig um það við manninn. Í skýrslu sem stúlkan gaf í Barnahúsi kemur fram að hún og maðurinn hefðu vitað um aldur hvors annars. Þau hefðu „byrjað saman“ í júní 2016 og sambandið varað í um þrjár vikur. Þá tók hún fram að maðurinn hefði „nauðgað“ sér. Hún hefði orðið kvíðin og stressuð og ekki getað sagt nei, einkum vegna þess að maðurinn væri stærri og eldri en hún. Greind með asperger-heilkenni Þá er haft eftir vinkonu stúlkunnar, sem var með henni í íbúðinni þar sem meint brot var framið umrætt kvöld, að stúlkan hefði átt frumkvæði að því að fara með manninum inn í herbergi. Þá hefði hún virst ánægð á leiðinni heim og haft á orði við vinkonuna að hún hefði misst meydóminn með ákærða. Ákærði kvað stúlkuna einnig hafa átt frumkvæði að samræði þeirra og hann hefði margítrekað spurt hana hvort hún vildi stunda kynlíf og hún hefði alltaf svarað játandi. Hann hélt því einnig fram að stúlkan hefði sagt sjálf að hún væri sautján ára og hann hafi trúað því. Þegar hann hafi komist að því hvað hún væri gömul í raun hefði hann slitið sambandi við hana. Í vottorði sálfræðings segir um stúlkuna að hún væri með áfallastreitueinkenni vegna meints kynferðisbrots. Þá hafi hún í meðferð sálfræðings verið greind með asperger-heilkenni og jafnframt ekki virst hafa skilið hvað vakti fyrir ákærða. Sérkennilegt að aldurstengdar upplýsingar hefðu ekki komið upp Dómurinn mat það svo að framburður stúlkunnar væri einlægur um það hvernig hún og ákærði nálguðust hvort annað með aldurinn, þ.e. að hann vissi að hún væri þrettán ára, og töluðu um það sín á milli að aldur væri „bara tala“. Þá hlyti það að teljast sérkennilegt, þegar litið væri til framburðar mannsins, að aldur eða aðrar aldurstengdar upplýsingar varðandi hana, til dæmis hvar hún var í skóla eða vinnu, félagsstarf, ökuréttindi og annað í þeim dúr, skyldi ekki hafa borið á góma. Við meðferð málsins fyrir dómi hallaði einmitt nokkuð á ákærða að skýra út hvenær, hvernig, hvar og hjá hverjum hann fékk að vita um aldur stúlkunnar, sem varð til þess að hann ákvað að slíta sambandi sínu við hana. Framburður mannsins varðandi þetta hafi verið óskýr, óstöðugur og í andstöðu við framburð vitnis. Við mat á þessu mat dómurinn það þó svo að tillit yrði að taka til þess að langur tími væri liðinn frá því að meint brot og önnur atvik áttu sér stað. Dómurinn taldi það ekki sannað svo hafið væri yfir skynsamlegan vafa að ákærði hefði gerst sekur um þá háttsemi sem hann var ákærður fyrir. Hann var því sýknaður af ákæru um kynferðisbrot og einkaréttarkröfu móður stúlkunnar á hendur honum var jafnframt vísað frá dómi. Allur sakarkostnaður málsins greiddist úr ríkissjóði.
Barnavernd Dómsmál Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ók blindfullur við Grímsvötn og hótaði að drepa alla Innlent Langt í að þeir nái sér að fullu Innlent Vopnuð rán tíðari en fólk gerir sér grein fyrir Innlent Tveir látnir eftir að bíll hafnaði í sjónum við Stokkhólm Erlent Óttast að saga slökkviliða á Íslandi glatist Innlent Á ofsahraða undir áhrifum fíkniefna Innlent Svakalegt að sjá fylgisaukningu Höllu Hrundar Innlent Arnar Þór vantaði sex meðmæli upp á Innlent Karlremba sé komin í tísku Innlent Fengu aðstoð sérsveitar og Gæslunnar við handtöku við Grímsvötn Innlent Fleiri fréttir Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Sjá meira