Erlent

Samþykktu 484 milljarða dala aðgerðapakka

Andri Eysteinsson skrifar
Forseti Bandaríkjaþings, Nancy Pelosi undirritar aðgerðapakkann.
Forseti Bandaríkjaþings, Nancy Pelosi undirritar aðgerðapakkann. Getty/Win Mc Namee

Bandaríkjaþing hefur samþykkt 484 milljarða dala aðgerðapakka til að létta undir fyrirtækjum, styrkja sjúkrahús og rannsóknarstarf. Aðgerðapakkinn var samþykktur með miklum meirihluta í fulltrúadeild þingsins með 388 atkvæðum gegn 5. BBC greinir frá.

Donald Trump Bandaríkjaforseti lýsti því yfir að hann myndi samþykkja aðgerðapakkann sem flaug einróma í gegnum öldungadeild þingsins á þriðjudag.

Nú hefur þingið varið hartnær 3 billjónum Bandaríkjadala í aðgerðir vegna faraldurs kórónuveirunnar og er vilji fyrir því, hjá forsetanum og stjórnarandstöðunni, að auka útgjöldin um eina billjón til viðbótar.

Sóttvarnareglum var fylgt við atkvæðagreiðsluna en þingmönnum var gert að halda sig í skrifstofum sínum og voru kallaðir í þingsal í litlum hópum. Þingsalurinn var svo þrifinn vandlega á milli hópa.

Bandaríkin Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið