Enska knattspyrnusambandið kærir Eric Dier

Englendingurinn Eric Dier, leikmaður Tottenham Hotspur, hefur verið kærður af enska knattspyrnusambandinu fyrir hegðun sína eftir leik Tottenham Hotspur og Norwich City í enska FA-bikarnum í síðasta mánuði.

Eftir leikinn, sem Norwich City vann í vítaspyrnukeppni eftir að staðan var jöfn 1-1 eftir venjulegan leiktíma og framlengingu, náðist Dier á myndband þar sem hann stökk upp í stúku til að ræða við aðdáendur Norwich sem stóðu í stappi við bróðir Dier.

Var Dier stöðvaður ferð sinni um stúkuna áður en hann náði í skottið á þeim sem hann vildi ræða við.

Enska kanttspyrnusambandið hefur ákveðið að kæra Dier fyrir framkomuna enda mega leikmenn ekki fara upp í stúku á meðan, né eftir, leik stendur. 

Dier hefur til 8. maí til að svara ákærunni.