Juventus rúllaði yfir Reggina

Emil Hallfreðsson spilaði allan leikinn með Reggina sem lék gegn Juventus í ítölsku úrvalsdeildinni.

Juventus rúllaði yfir Emil og félaga, 4-0. Mörkin skoruðu Nicola Lagrottaglie, Hasan Salihamidzic, David Trezeguet og Raffaele Palladino.

Inter færðist upp að hlið Roma á toppi deildarinnar með 3-0 sigri á Sampdoria. Roma gerði á sama tíma 2-2 jafntefli við Fiorentina.

Juventus er nú í þriðja sæti deildarinnar með tíu stig eftir fimm leiki en toppliðin eru með ellefu stig.

Napoli og Palermo eru sömuleiðis með tíu stig. 

Zlatan Ibrahimovic skoraði tvö mörk fyrir Inter í kvöld og Luis Figo eitt. 

Napoli vann Livorno í kvöld og Palermo gerði sér lítið fyrir og vann AC Milan á heimavelli, 2-1. Clarence Seedorf kom Milan yfir á tíundu mínútu en Aimo Stefano Diana jafnaði metin á 73. mínútu. Farizio Miccoli skoraði svo sigurmark leiksins á lokamínútunni.

AC Milan er í níunda sæti deildarinnar með sex stig. Reggina er komið nú í botnsætið og hefur aðeins fengið tvö stig á tímabilinu. 

Úrslit kvöldsins:

Catania-Empoli 1-0

Fiorentina-Roma 2-2

Genoa-Udinese 3-2

Inter-Sampdoria 3-0

Juventus-Reggina 4-0

Lazio-Cagliari 3-1

Napoli-Livorno 1-0

Palermo-AC Milan 2-1

Parma-Torino 2-0

Siena-Atalanta 1-1

Byrjunarlið Juventus (4-4-2): Buffon; Birindelli, Legrottaglie, Criscito, Molinaro; Nocerino, Tiago, Zanetti, Salihamidzic; Trezeguet, Palladino.

Byrjunarlið Reggina (4-3-3): Compagnolo; Lanzaro, Stadsgaard, Aronica, Modesto; Barreto, Cascione, Emil Hallfreðsson; Joelson, Amoruso, Ceravolo.