Með 335 stúlkur á skrá

Róbert Árni Hreiðarsson, sem í dag var dæmdur í þriggja ára fangelsi fyrir kynferðisbrot gegn fjórum stúlkum, hafði í fórum sínum minnisbók með nöfnum, netföngum og símanúmerum 335 stúlkna, þegar lögregla gerði húsleit á heimili hans að Traðarlandi í september 2005.

Þetta kemur fram í dómnum sem féll í dag.

Í minnisbókinni voru einnig símanúmer og msn netföng sem Róbert notaði til að komast í kynni við stúlkurnar. Svo virðist sem Róbert Árni hafi verið skipulagður og útsjónarsamur því hann notaði þrjú mismunandi símanúmer og þrjú nöfn til að villa á sér heimildir í samskiptum sínum við stúlkurnar.

Í húsleitinni voru einnig gerð upptækar fimm myndbandsspólur sem innihéldu barnaklám og tvær turntölvur sem í voru ljósmyndir sem sýndu börn í kynlífsathöfnum

Athygli vekur að við aðalmeðferð málsins nýtti Róbert Árni sér rétt sinn sem ákærður einstaklingur til að tjá sig ekki fyrir dómi.

Þrátt fyrir ítrekaðar tilraunir hefur Vísir ekki náð í Róbert Árna í dag.