Innlent

Mögulegt að faraldurinn komi aftur og aftur

Samúel Karl Ólason skrifar
Kári Stefánsson, forstjóri Íslenskrar erfðagreiningar og prófessor í læknisfræði.
Kári Stefánsson, forstjóri Íslenskrar erfðagreiningar og prófessor í læknisfræði. Vísir/Vilhelm

Kári Stefánsson, forstjóri Íslenskrar erfðagreiningar og prófessor í læknisfræði, segir mögulegt að nýja kórónuveiran stingi upp kollinum aftur og aftur. Hann hefur verið mikið í sviðsljósinu undanfarnar vikur enda hefur fyrirtæki hans leikið lykilhlutverk í rannsóknum á útbreiðslu kórónuveirunnar hér á landi.

Rannsóknir þessar gætu haft mikið að segja um kortlagningu veirunnar um heim allan og það hvernig hún stökkbreytist við að smitast á milli fólks.

„Heilbrigðiskerfi heimsins hafa ekki verið hönnuð til að takast á við svona lagað,“ sagði Kári.

Rætt var við Kára í Ísland í dag í gær. Þar var farið yfir það að Kára þyki óhuggulegt hve banvænn Covid-19, sjúkdómurinn sem nýja kórónuveiran veldur, er og það hvort vísindamenn hafi sofið á verðinum í aðdraganda heimsfaraldursins.

Einnig var farið yfir það að Kári og Persónuvernd hafa í tvígang lent saman á undanförnum vikum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.