Innlent

Staðfest smit orðin 890

Sunna Kristín Hilmarsdóttir skrifar
Greint var frá því í hádegisfréttum Bylgjunnar í dag að sex manns séu nú á gjörgæslu á Landspítalanum vegna COVID-19 og allir í öndunarvél. Álagið á spítalann eykst dag frá degi.
Greint var frá því í hádegisfréttum Bylgjunnar í dag að sex manns séu nú á gjörgæslu á Landspítalanum vegna COVID-19 og allir í öndunarvél. Álagið á spítalann eykst dag frá degi. Vísir/Vilhelm

Staðfest smit vegna kórónuveirunnar er nú orðin 890. Smitum hefur því fjölgað um 88 frá því í gær þegar þau voru 802.

Á upplýsingasíðunni covid.is kemur fram að nú séu meira en 10 þúsund manns í sóttkví en um 3.200 manns hafa lokið sóttkví. Þá hafa verið tekin um 13.600 sýni.

Greint var frá því í hádegisfréttum Bylgjunnar að alls væru nú sex á gjörgæslu Landspítalans vegna sjúkdómsins COVID-19 sem kórónuveiran veldur. Eru þeir allir í öndunarvél.

Líkt og undanfarnar vikur verður upplýsingafundur almannavarna og landlæknis klukkan 14:03 í dag. Fundurinn verður í beinni útsendingu hér á Vísi.

Víðir Reynisson yfirlögregluþjónn, Alma D. Möller landlæknir, og Þórólfur Guðnason sóttvarnalæknir munu fara yfir stöðu mála með tilliti til COVID-19 hér á landi.

Sigríður Björk Guðjónsdóttir, ríkislögreglustjóri, verður gestur fundarins í dag og mun hún ræða þær áskoranir sem blasa við lögreglunni í ljósi COVID-19.

Fréttin hefur verið uppfærð.

Faraldur kórónuveiru (COVID-19) Heilbrigðismál Almannavarnir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið