Viðskipti erlent

Youtube dregur úr gæðum eins og Netflix

Samúel Karl Ólason skrifar
Myndbönd eins og þau frá Youtube og Netflix eru stór hluti netumferðar á degi hverjum.
Myndbönd eins og þau frá Youtube og Netflix eru stór hluti netumferðar á degi hverjum. Vísir/Getty

Forsvarsmenn Youtube tilkynntu í morgun að dregið yrði úr gæðum myndbanda í Evrópu. Það er vegna beiðni frá Evrópusambandinu svo létta megi álag á innviðum internetsins í heimsálfunni.

Thierry Breton, sem sér um innri markað Evrópusambandsins, sagði frá því í gær að hann hefði rætt við forsvarsmenn efnisveita og beðið þá um að draga úr gæðum efnis.

Sjá einnig: Netflix minnkar myndbandsgæði í Evrópu vegna álags

Myndbönd eins og þau frá Youtube og Netflix eru stór hluti netumferðar á degi hverjum.

Ákvörðun Youtube felur í sér að staðalgæði myndbanda lækka en notendur munu þó áfram geta hækkað gæðin.

Faraldur nýju kórónuveirunnar hefur leitt til þess að mun fleiri vinna heima hjá sér og börn eru þar að auki mikið heima við einnig vegna lokanna skóla. Það hefur leitt til aukinnar netumferðar.

Google Netflix Evrópusambandið


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið