Pökkuðu saman í rafmagnsleysinu og fluttu jólin yfir til tengdó Jakob Bjarnar skrifar 29. desember 2020 11:30 Vart er hægt að hugsa sér verri tíma til að missa út rafmagnið og þann þegar verið er að hafa til sjálfa hátíðarmáltíðina að kvöldi aðfangadags. aðsendar Rafmagnslaust varð á allra versta tíma í nýju hverfi á Selfossi eða að kvöldi aðfangadags. Jólamaturinn fór fyrir lítið. „Já, það má segja að Rarik hafi stolið jólunum frá okkur og fleiri fjölskyldum,“ segir Sævar Andri Árnason húsasmiður og íbúi í Löndunum, nýju hverfi á Selfossi í samtali við Vísi. Sævar og fjölskylda, eiginkona og tvær dætur, voru í óða önn við að undirbúa sjálfa jólamáltíðina; hamborgarhryggurinn var í ofninum, sósan að taka sig á hellunni og verið var að gera allt sem tilheyrir klárt. „Við vorum að reyna að brúna kartöflur. Þá datt rafmagnið út.“ Þau biðu í þrjú korter eða til klukkan korter yfir sex og þá datt rafmagnið inn aftur og þau keyrðu matseldina í gang en þá datt rafmagnið út aftur. „Þá fer út annar fasi,“ segir Sævar. Einhverjir náðu að elda jólamáltíðina á prímus Hann hringdi í Rarik og sá sem þar var fyrir svörum var mjög undrandi á því að þetta væri dottið út aftur. En það var þá þessi fasi tvö. Þá varð fjölskyldunni nóg boðið. „Við erum með eina sjö ára og aðra eins árs. Við frúin tókum fjölskyldufund. Við vissum ekki hversu lengi þessi seinni bilun myndi vara. Þar sem við erum í lítilli og nettri íbúð höfðum við ekki allt okkar hafurtak hjá okkur. Einhverjir gátu eldað sósuna á prímus úti í bílskúr og snæddu þá við kertaljós. Konan hringdi í móður sína, við eigum góða að á Selfossi, þannig að við tókum saman allt okkar pakkadót og fengum mat hjá þeim. Hátíðarmáltíðin sjálf var farin í vaskinn. Þú gerir ekkert litlum börnum, sem eru spennt yfir pökkunum, það að látið þau bíða endalaust.“ Svipmyndir úr rafmagnsleysinu á Selfossi á aðfangadagskvöld. Einhverjir gripu til þess að elda hátíðarkvöldverðinn á prímus. Selfyssingar kunna að bjarga sér ef svo ber undir.aðsend Þau drifu sig því yfir til tengdaforeldra Sævars sem tóku fagnandi á móti þeim. Sem betur fer áttu þau nægan mat. Sævar segir að það séu ekki síst viðbrögð Rarik sem standi í sér. „Já, mér finnst þetta lélegt,“ segir Sævar og vísar til þess að hvorki hafi heyrst þaðan hósti né stuna. „Engin afsökunarbeiðni eða neitt. Réttast væri að þeir borguðu jólamatinn fyrir alla í þessu hverfi. Þó fólk taki þessu með ró og reyni að hafa þetta sem best og eftirminnilegt, þá er þetta lélegt.“ RARIK harmar mistökin Rósant Guðmundsson kynningarstjóri RARIK segir allt þetta sem Sævar talar um og að RARIK snýr sannleikanum samkvæmt. Hann segir að á svæðisvaktinni hafi verið gerð þau mistök að ekki voru send út, eins og jafnan er gert, tilkynning til notenda. „Það kom fát á mannskapinn þó vert sé að halda því til haga að vinnuflokkarnir vinna frábært starf við oft erfiðar aðstæður á vettvangi. Þetta er svo krítískur tími og menn voru að einbeita sér að því að koma rafmagninu á. En þegar verður fyrirvaralaus truflun senda menn út tilkynningu alla jafna. Þó ljóst sé að komið sé rafmagnsleysi. Og láta vita að verið sé að leita að bilum. Og svo að venju er send út tilkynning og þar sem beðist er velvirðingar. Mistök að það var ekki gert,“ segir Rósant. Í fátinu við að bjarga biluninni á hinum krítíska tíma fórst fyrir að senda út tilkynningu og afsökunarbeiðni. Hún berst með seinni skipunum, hér og nú.RARIK Hann útskýrir að múffa í jarðstreng sem fæðir hverfið hafi brunnið. Það þurfti að staðsetja hana og svo var hverfið fætt frá öðrum stað, á endanum. „Við náttúrlega biðjumst velvirðingar á því að ekki var út send tilkynning, sem eðlilegt er í slíku tilfelli.“ Rósant segir athyglisvert að yfirleitt sé ekki svona mikið álag á aðfangadegi. Fólk hópist yfirleitt meira saman og þá myndast ekki eins mikið álag á kerfið. Nú hins vegar var fólk dreifðara vegna kórónuveirunnar og þar með fleiri tæki í gangi. „Sem gæti verið ástæðan fyrir því að múffan brann. Við verðum að koma í veg fyrir að slíkt komi fyrir aftur og biðjumst innilega afsökunar á þessu. Kannski seint að senda þá afsökunarbeiðni út viku seinna en virkilega leiðinleg mistök sem áttu sér stað þarna,“ segir Rósant. Hann segir eðlilegt að fólk sé pirrað, þetta sé krítískur tími sú var einmitt ástæðan fyrir því að menn gleymdu sér í fátinu. Og tilkynningskyldan fór forgörðum. Jól Árborg Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent Kviknaði í bensínbíl í akstri á Dalbraut Innlent „Við erum ekki hlutlaus þjóð“ Innlent Óvinnufær eftir harkalegt fall þegar strappur slitnaði Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Skipstjórinn og tveir stýrimenn handteknir vegna sjóslyssins Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira
„Já, það má segja að Rarik hafi stolið jólunum frá okkur og fleiri fjölskyldum,“ segir Sævar Andri Árnason húsasmiður og íbúi í Löndunum, nýju hverfi á Selfossi í samtali við Vísi. Sævar og fjölskylda, eiginkona og tvær dætur, voru í óða önn við að undirbúa sjálfa jólamáltíðina; hamborgarhryggurinn var í ofninum, sósan að taka sig á hellunni og verið var að gera allt sem tilheyrir klárt. „Við vorum að reyna að brúna kartöflur. Þá datt rafmagnið út.“ Þau biðu í þrjú korter eða til klukkan korter yfir sex og þá datt rafmagnið inn aftur og þau keyrðu matseldina í gang en þá datt rafmagnið út aftur. „Þá fer út annar fasi,“ segir Sævar. Einhverjir náðu að elda jólamáltíðina á prímus Hann hringdi í Rarik og sá sem þar var fyrir svörum var mjög undrandi á því að þetta væri dottið út aftur. En það var þá þessi fasi tvö. Þá varð fjölskyldunni nóg boðið. „Við erum með eina sjö ára og aðra eins árs. Við frúin tókum fjölskyldufund. Við vissum ekki hversu lengi þessi seinni bilun myndi vara. Þar sem við erum í lítilli og nettri íbúð höfðum við ekki allt okkar hafurtak hjá okkur. Einhverjir gátu eldað sósuna á prímus úti í bílskúr og snæddu þá við kertaljós. Konan hringdi í móður sína, við eigum góða að á Selfossi, þannig að við tókum saman allt okkar pakkadót og fengum mat hjá þeim. Hátíðarmáltíðin sjálf var farin í vaskinn. Þú gerir ekkert litlum börnum, sem eru spennt yfir pökkunum, það að látið þau bíða endalaust.“ Svipmyndir úr rafmagnsleysinu á Selfossi á aðfangadagskvöld. Einhverjir gripu til þess að elda hátíðarkvöldverðinn á prímus. Selfyssingar kunna að bjarga sér ef svo ber undir.aðsend Þau drifu sig því yfir til tengdaforeldra Sævars sem tóku fagnandi á móti þeim. Sem betur fer áttu þau nægan mat. Sævar segir að það séu ekki síst viðbrögð Rarik sem standi í sér. „Já, mér finnst þetta lélegt,“ segir Sævar og vísar til þess að hvorki hafi heyrst þaðan hósti né stuna. „Engin afsökunarbeiðni eða neitt. Réttast væri að þeir borguðu jólamatinn fyrir alla í þessu hverfi. Þó fólk taki þessu með ró og reyni að hafa þetta sem best og eftirminnilegt, þá er þetta lélegt.“ RARIK harmar mistökin Rósant Guðmundsson kynningarstjóri RARIK segir allt þetta sem Sævar talar um og að RARIK snýr sannleikanum samkvæmt. Hann segir að á svæðisvaktinni hafi verið gerð þau mistök að ekki voru send út, eins og jafnan er gert, tilkynning til notenda. „Það kom fát á mannskapinn þó vert sé að halda því til haga að vinnuflokkarnir vinna frábært starf við oft erfiðar aðstæður á vettvangi. Þetta er svo krítískur tími og menn voru að einbeita sér að því að koma rafmagninu á. En þegar verður fyrirvaralaus truflun senda menn út tilkynningu alla jafna. Þó ljóst sé að komið sé rafmagnsleysi. Og láta vita að verið sé að leita að bilum. Og svo að venju er send út tilkynning og þar sem beðist er velvirðingar. Mistök að það var ekki gert,“ segir Rósant. Í fátinu við að bjarga biluninni á hinum krítíska tíma fórst fyrir að senda út tilkynningu og afsökunarbeiðni. Hún berst með seinni skipunum, hér og nú.RARIK Hann útskýrir að múffa í jarðstreng sem fæðir hverfið hafi brunnið. Það þurfti að staðsetja hana og svo var hverfið fætt frá öðrum stað, á endanum. „Við náttúrlega biðjumst velvirðingar á því að ekki var út send tilkynning, sem eðlilegt er í slíku tilfelli.“ Rósant segir athyglisvert að yfirleitt sé ekki svona mikið álag á aðfangadegi. Fólk hópist yfirleitt meira saman og þá myndast ekki eins mikið álag á kerfið. Nú hins vegar var fólk dreifðara vegna kórónuveirunnar og þar með fleiri tæki í gangi. „Sem gæti verið ástæðan fyrir því að múffan brann. Við verðum að koma í veg fyrir að slíkt komi fyrir aftur og biðjumst innilega afsökunar á þessu. Kannski seint að senda þá afsökunarbeiðni út viku seinna en virkilega leiðinleg mistök sem áttu sér stað þarna,“ segir Rósant. Hann segir eðlilegt að fólk sé pirrað, þetta sé krítískur tími sú var einmitt ástæðan fyrir því að menn gleymdu sér í fátinu. Og tilkynningskyldan fór forgörðum.
Jól Árborg Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent Kviknaði í bensínbíl í akstri á Dalbraut Innlent „Við erum ekki hlutlaus þjóð“ Innlent Óvinnufær eftir harkalegt fall þegar strappur slitnaði Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Skipstjórinn og tveir stýrimenn handteknir vegna sjóslyssins Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira