Sex handteknir í aðgerðum tengdum barnaníði og vændi

Kristín Ólafsdóttir skrifar 18. desember 2020 15:49

Lögreglan á höfuðborgarsvæðinu tilkynnti um málið síðdegis. Vísir/Vilhelm

Sex voru nýverið handteknir í aðgerðum lögreglu gegn barnaníði á netinu og vændi. Fjórir voru handteknir grunaðir um að hafa haft barnaníðsefni í sinni vörslu og tveir handteknir vegna gruns um vændiskaup.

Þetta kemur fram í tilkynningu frá lögreglu á höfuðborgarsvæðinu. Þar segir að rannsóknir málanna séu unnar í samvinnu við Europol og Interpol. Þá hafi afskipti verið höfð af nokkrum til viðbótar af sömu ástæðu. Alls séu á fjórða tug manna grunaðir um kaup á vændi og munu þeir hafa réttarstöðu sakbornings.

Fyrrnefndar aðgerðir, sem stóðu yfir í allmarga daga, snerust um barnaníð á netinu, auglýsingar um vændi á netinu og framboð þess á Íslandi. Að þeim komu lögreglan á höfuðborgarsvæðinu, embætti ríkislögreglustjóra, Europol og Interpol.

Ekki kemur fram í tilkynningu hvar mennirnir voru handteknir eða hvort þeir séu allir Íslendingar.

Lögreglumál Ofbeldi gegn börnum

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.