Stærsta hagsmunamál þjóðarinnar

Helga Baldvins Bjargardóttir og Katrín Oddsdóttir skrifa 11. nóvember 2020 10:30

Samkvæmt fréttum í gær hefur Alþingi mistekist að leiða fram breytingar á stjórnarskrá í sátt allra flokka á þingi. Alþingi getur ekki klárað þetta mál, einfaldlega vegna þess að stjórnarskrárvaldið á ekki heima á borði þingsins. Með öðrum orðum, Alþingi á hvorki né getur samið sínar eigin leikreglur um meðferð valdsins sem það fer með.

Nú eru liðnar þrjár vikur síðan við afhentum Alþingi lista með 43.423 staðfestum undirskriftum. Við krefjumst þess að vilji meirihluta kjósenda í þjóðaratkvæðagreiðslu sé virtur.

Hið augljósa svar við stöðunni sem upp er komin er að veita valdinu þangað sem það á heima, til þjóðarinnar.

Því leggjum við til að þingmenn, óháð flokkum, beiti sér fyrir því af hugrekki og heilindum að vinna að þessu stærsta hagsmunamáli þjóðarinnar í sameiningu. Þetta er hægt að gera með þeirri einu breytingu á stjórnarskrá, að valdið yfir því hvernig stjórnarskránni er breytt verði fært til þjóðarinnar.

Þjóðin er stjórnarskrárgjafinn.

Helga Baldvins Bjargardóttir, formaður Samtaka kvenna um nýja stjórnarskrá

Katrín Oddsdóttir, formaður Stjórnarskrárfélagsins.

Viltu birta grein á Vísi? Sendu okkur póst.

Senda grein

Katrín Oddsdóttir Stjórnarskrá Helga Baldvins Bjargardóttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.