Fótbolti

Balot­elli æfir með D-deildar­liði á Ítalíu

Anton Ingi Leifsson skrifar
Balotelli í leik með Brescia á síðustu leiktíð.
Balotelli í leik með Brescia á síðustu leiktíð. EPA-EFE/FILIPPO VENEZIA

Mario Balotelli er án félags eftir að hafa yfirgefið Birki Bjarnason og félaga í Brescía í sumar. Hann heldur sér í formi með hálf atvinnumannaliði á Ítalíu.

Balotelli hefur enn ekki fundið sér lið og heldur sér því í formi með D-deildarliðinu Franciacorta sem er hálf atvinnumannalið ekki fjarri heimabæ hans, Brescia.

Framherjinn snéri aftur til Brescia fyrir tímabilið 2019/2020 en náði ekki að slá í gegn. Liðið féll úr deild þeirra bestu og því var samningurinn við Balotelli ekki framlengdur.

Vinir Balotellis, Alessandro Bertazzoli leikmaður liðsins og Eugenio Bianchini yfirmaður, buðu honum að koma og æfa með liðinu. Hann þáði boðið og æfir með liðinu þangað til næsti áfangastaður hans er klár.




Fleiri fréttir

Sjá meira


×