Alma og Þórólfur minnast lykilkonu í baráttunni við Covid Kolbeinn Tumi Daðason skrifar 6. nóvember 2020 10:27 Guðrún Sigmundsdóttir var settur sóttvarnalæknir oftar en einu sinni og var í lykilhlutverki lengi vel í baráttunni við Covid-19 faraldurinn. Vann meðal annars við að koma Covid.is á laggirnar. Guðrún Sigmundsdóttir, sérfræðingur í smitsjúkdómalækningum og sýklafræði, lést þann 27. október eftir erfiða baráttu við krabbamein. Hún var 59 ára. Alma Möller landlæknir, Þórólfur Guðnason sóttvarnalæknir og Haraldur Briem, fyrrverandi sóttvarnalæknir, minnast Guðrúnar í Morgunblaðinu í dag fyrir ómetanlega vinnu á sviði sóttvarna hér á landi. Haraldur rifjar upp þegar Guðrún kom til starfa við landlæknisembættið um aldamótin. Um það leyti hafi staðið yfir glíma við alvarlega matvælasýkingu hér á landi af völdum kampýlóbakter sem bárust með ferskum kjúklingum og salmonellu sem barst með innfluttu jöklasalati. „Kom þá þegar í ljós hversu öflugur starfsmaður Guðrún var í baráttunni við farsóttir í landinu.“ Krefjandi samskipti sem skiluðu miklum árangri Guðrún var í framhaldsnámi í læknisfræði í Lundi í Svíþjóð og lauk þaðan doktorsprófi eftir að hafa flust heim til Íslands. Haraldur segir það eitt dæmi um þrautseigju hennar. Haraldur Briem var sóttvarnalæknir um árabil.Vísir „Á ýmsu hefur gengið síðustu tvo áratugi, farsóttir og hópsýkingar dunið yfir hvað eftir annað. Guðrún átti sinn mikilvæga sess við uppbyggingu sóttvarna hér á landi og ekki síður við að efla tengslin við Sóttvarnastofnun Evrópusambandsins. Þau samskipti gátu verið krefjandi en skiluðu jafnframt miklum árangri.“ Hún hafi verið virk í samstarfi við norræna sóttvarnalækna en meginhlutverk hennar hafi verið farsóttargreining sem sé afgerandi forsenda allra sóttvarnaráðstafana. Haraldur lýsir Guðrúnu sem hugmyndaríkri og skapandi í starfi. Gat verið hrókur alls fagnaðar „Einkar minnisstæð er frumleg rafræn aðferð hennar við að skrá nánast í rauntíma fjölda tilfella af svínainflúensunni, sem reið yfir árið 2009. Grúskað var í ýmsu, til dæmis hvernig hægt væri að nýta sér upplýsingar um farsímanotkun í samfélaginu til að greina óvænta atburði.“ Guðrún hafi verið glaðleg í starfi, ósérhlífin en þó með skap til að bera og ákveðnar skoðanir á ýmsu tengdu starfinu. Mál voru rædd og niðurstaða fundin. Guðrún var hagmælt og kom það sér oft vel þegar slegið var á létta strengi, enda gat hún verið hrókur alls fagnaðar. Það er mikil gæfa að eiga gott samstarfsfólk. Ég tel mig gæfumann að hafa átt þetta langa og farsæla samstarf við Guðrúnu.“ Fádæma yfirvegun og reisn Alma Dagbjört Möller landlæknir tekur undir með Haraldi. Guðrún hafi alltaf verið tilbúin að aðstoða samstarfsfólk sitt, svo og fagaðila víða um land enda hafi verið mikið til hennar leitað. Alma þakkar Guðrúnu fyrir farsælt og skemmtilegt samstarf.Vísir/Vilhelm „Árið 2017 lenti Guðrún í alvarlegu umferðarslysi sem kallaði á stranga endurhæfingu sem hún tókst á við með æðruleysi og dyggum stuðningi frá fjölskyldu sinni. Rúmu ári eftir slysið kom annað reiðarslag þegar hún greindist með krabbamein. Við tóku erfiðir tímar en Guðrún tókst á við veikindi sín, allt til enda, af fádæma yfirvegun og reisn. Hún sneri aftur til starfa, full af eldmóði og jákvæðni eins og hennar var von og vísa.“ Guðrún hafi staðið í stafni með sóttvarnalækni og samstarfsfólki þegar faraldur Covid-19 skall á enda hafði hún tekið þátt í að þróa viðbragðsáætlanir og verkferla. Kom Covid.is á laggirnar „Henni var fengið það vandasama hlutverk að leiða vinnuna þegar fyrstu tilfellin greindust og sem svo varð að vinnu rakningateymis. Hún tók þátt í að skapa gagnagrunn um sjúkdóminn og að koma á laggirnar heimasíðunni covid.is. En svo tók sjúkdómurinn sig upp og Guðrún varð frá að hverfa. Hún reyndi þó að liðsinna þar til starfsþrekið þraut.“ Þórólfur Guðnason sóttvarnalæknir segir síðasta samtal sitt við Guðrúnu hafa verið lýsandi fyrir hana. Þar hafi hún beðist afsökunar á að geta ekki tekið meiri þátt í baráttunni við Covid-19. Þórólfur man vel eftir því þegar hann hitti Guðrúnu fyrst. Áður en ljóst var að þau myndu vinna náið saman við sóttvarnir.Vísir „Ég svaraði að hennar þáttur í öllum undirbúningi og vinnunni á meðan hennar naut við hefði verið ómetanlegur.“ Hún hafi átt stærstan þátt í rafrænni uppbyggingu gagnagrunna hjá sóttvarnalækni og gegnt lykilhlutverki við gerð viðbragðsáætlana sem hafi verið þungamiðjan í viðbrögðum við Covid-19 faraldrinum. Guðrún lætur eftir sig eiginmann, þrjú börn og tvö barnabörn. Útför Guðrúnar fer fram frá Dómkirkjunni í dag klukkan ellefu og verður streymt á Youtube sökum samkomubanns. Andlát Heilbrigðismál Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira
Guðrún Sigmundsdóttir, sérfræðingur í smitsjúkdómalækningum og sýklafræði, lést þann 27. október eftir erfiða baráttu við krabbamein. Hún var 59 ára. Alma Möller landlæknir, Þórólfur Guðnason sóttvarnalæknir og Haraldur Briem, fyrrverandi sóttvarnalæknir, minnast Guðrúnar í Morgunblaðinu í dag fyrir ómetanlega vinnu á sviði sóttvarna hér á landi. Haraldur rifjar upp þegar Guðrún kom til starfa við landlæknisembættið um aldamótin. Um það leyti hafi staðið yfir glíma við alvarlega matvælasýkingu hér á landi af völdum kampýlóbakter sem bárust með ferskum kjúklingum og salmonellu sem barst með innfluttu jöklasalati. „Kom þá þegar í ljós hversu öflugur starfsmaður Guðrún var í baráttunni við farsóttir í landinu.“ Krefjandi samskipti sem skiluðu miklum árangri Guðrún var í framhaldsnámi í læknisfræði í Lundi í Svíþjóð og lauk þaðan doktorsprófi eftir að hafa flust heim til Íslands. Haraldur segir það eitt dæmi um þrautseigju hennar. Haraldur Briem var sóttvarnalæknir um árabil.Vísir „Á ýmsu hefur gengið síðustu tvo áratugi, farsóttir og hópsýkingar dunið yfir hvað eftir annað. Guðrún átti sinn mikilvæga sess við uppbyggingu sóttvarna hér á landi og ekki síður við að efla tengslin við Sóttvarnastofnun Evrópusambandsins. Þau samskipti gátu verið krefjandi en skiluðu jafnframt miklum árangri.“ Hún hafi verið virk í samstarfi við norræna sóttvarnalækna en meginhlutverk hennar hafi verið farsóttargreining sem sé afgerandi forsenda allra sóttvarnaráðstafana. Haraldur lýsir Guðrúnu sem hugmyndaríkri og skapandi í starfi. Gat verið hrókur alls fagnaðar „Einkar minnisstæð er frumleg rafræn aðferð hennar við að skrá nánast í rauntíma fjölda tilfella af svínainflúensunni, sem reið yfir árið 2009. Grúskað var í ýmsu, til dæmis hvernig hægt væri að nýta sér upplýsingar um farsímanotkun í samfélaginu til að greina óvænta atburði.“ Guðrún hafi verið glaðleg í starfi, ósérhlífin en þó með skap til að bera og ákveðnar skoðanir á ýmsu tengdu starfinu. Mál voru rædd og niðurstaða fundin. Guðrún var hagmælt og kom það sér oft vel þegar slegið var á létta strengi, enda gat hún verið hrókur alls fagnaðar. Það er mikil gæfa að eiga gott samstarfsfólk. Ég tel mig gæfumann að hafa átt þetta langa og farsæla samstarf við Guðrúnu.“ Fádæma yfirvegun og reisn Alma Dagbjört Möller landlæknir tekur undir með Haraldi. Guðrún hafi alltaf verið tilbúin að aðstoða samstarfsfólk sitt, svo og fagaðila víða um land enda hafi verið mikið til hennar leitað. Alma þakkar Guðrúnu fyrir farsælt og skemmtilegt samstarf.Vísir/Vilhelm „Árið 2017 lenti Guðrún í alvarlegu umferðarslysi sem kallaði á stranga endurhæfingu sem hún tókst á við með æðruleysi og dyggum stuðningi frá fjölskyldu sinni. Rúmu ári eftir slysið kom annað reiðarslag þegar hún greindist með krabbamein. Við tóku erfiðir tímar en Guðrún tókst á við veikindi sín, allt til enda, af fádæma yfirvegun og reisn. Hún sneri aftur til starfa, full af eldmóði og jákvæðni eins og hennar var von og vísa.“ Guðrún hafi staðið í stafni með sóttvarnalækni og samstarfsfólki þegar faraldur Covid-19 skall á enda hafði hún tekið þátt í að þróa viðbragðsáætlanir og verkferla. Kom Covid.is á laggirnar „Henni var fengið það vandasama hlutverk að leiða vinnuna þegar fyrstu tilfellin greindust og sem svo varð að vinnu rakningateymis. Hún tók þátt í að skapa gagnagrunn um sjúkdóminn og að koma á laggirnar heimasíðunni covid.is. En svo tók sjúkdómurinn sig upp og Guðrún varð frá að hverfa. Hún reyndi þó að liðsinna þar til starfsþrekið þraut.“ Þórólfur Guðnason sóttvarnalæknir segir síðasta samtal sitt við Guðrúnu hafa verið lýsandi fyrir hana. Þar hafi hún beðist afsökunar á að geta ekki tekið meiri þátt í baráttunni við Covid-19. Þórólfur man vel eftir því þegar hann hitti Guðrúnu fyrst. Áður en ljóst var að þau myndu vinna náið saman við sóttvarnir.Vísir „Ég svaraði að hennar þáttur í öllum undirbúningi og vinnunni á meðan hennar naut við hefði verið ómetanlegur.“ Hún hafi átt stærstan þátt í rafrænni uppbyggingu gagnagrunna hjá sóttvarnalækni og gegnt lykilhlutverki við gerð viðbragðsáætlana sem hafi verið þungamiðjan í viðbrögðum við Covid-19 faraldrinum. Guðrún lætur eftir sig eiginmann, þrjú börn og tvö barnabörn. Útför Guðrúnar fer fram frá Dómkirkjunni í dag klukkan ellefu og verður streymt á Youtube sökum samkomubanns.
Andlát Heilbrigðismál Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira