Drekinn og örninn Helgi Steinar Gunnlaugsson skrifar 2. nóvember 2020 16:02 Hvernig sem forsetakosningarnar í Bandaríkjunum fara annað kvöld þá er augljóst að úrslitin munu eiga mikinn þátt í að móta það tímabil sem tekur við af þessu viðburðarríka ári. Ef Joe Biden sigrar í kosningunum er líklegt að hann og varaframbjóðandi hans munu reyna að laga það brotna heimsálit sem liggur nú yfir bandarísku þjóðinni eins og þrumuský. Hinsvegar má búast við mikilli andstöðu frá Donald Trump og stuðningsfólki hans og vilja sumir jafnframt meina að það gæti komið til einhverra átaka. Þar sem margir neyddust til að senda inn atkvæði sín með pósti þá gæti líka vel verið að við munum ekki vita endanleg úrslit fyrr en eftir nokkrar vikur eða jafnvel mánuði. Veturinn þar í landi verður þá að öllum líkindum skilgreindur af rifrildum, kærum og ásökunum um kosningasvindl. Íbúar heimsins munu einnig þurfa að bíða þolinmóðir eftir að endanleg úrslit verða tilkynnt og á meðan ríkisstjórnir um heim allan halda niðri í sér andanum er öruggt að segja að ein þjóð muni anda rólegra en margar aðrar. Kínversk stjórnvöld munu eflaust fylgjast vel með bandarísku forsetakosningunum, en ekki endilega til að sjá hver mun vinna. Þau munu fylgjast með kosningunum einfaldlega vegna þess að sama hvernig fer – þá er það Kína sem mun sitja uppi sem sigurvegari kvöldsins. Hvers vegna? Árið 2016 átti sér stað mikill pólitískur jarðskjalfti í hinum lýðræðislega heimi. Brexit og Donald Trump hertóku vissulega það ár, en vanhæfni fjölmiðla til að spá fyrir um sigur þeirra beggja var nokkurs konar himnasending til kínverskra stjórnvalda sem höfðu lengi vel haldið því fram að vestrænir fjölmiðlar voru stjórnaðir af hlutdrægni og spillingu. Donald Trump gaf þar með ríkisstjórninni í Peking tilvalið tækifæri til að gagnrýna vestrænt lýðræðiskerfi. Í áratugi hafa kínversk stjórnvöld reynt að benda á að það lýðræði sem vestræn ríki hafa hrósað og reynt að kynna fyrir Kínverjum er alls ekki fullkomið. Eins einfölduð og þessi staðhæfing hljómar þá var þetta viðhorf nóg til að ýta undir enn meiri þjóðernishyggju í Kína og sjálfstrausti á meðal kínverskra stjórnvalda. Á þessum fjórum árum hafa kínversk stjórnvöld samþykkt öryggislög í Hong Kong, sett milljónir Úýgúra í pólitískar endurmenntunarbúðir, daðrað við að ráðast á Taívan, egnt til átaka við landamæri Indlands, lagt Ástralíu í efnahagslegt einelti og leyft diplómötum sínum hóta og tala niður til erlendra fréttamanna í Kanada og Svíþjóð. Viðbrögðin frá umheiminum hafa verið mismikil. Viðskiptastríð hefur staðið yfir á milli Kína og Bandaríkjanna og hafa sumar þjóðir lagt bann við notkun á búnaði frá kínverskum hátæknifyrirtækjum. Það er samt mikilvægt að benda á að þær afleiðingar sem kínversk stjórnvöld upplifa sökum offorsa eða þjösnaskap haldast mjög oft í hendur við hversu háðar einstaka þjóðir eru fjárfestingum frá Peking. Það má vel vera að núverandi forseti Bandaríkjanna telur sig sterkan þegar kemur að deilum við Kína, en svar við því hvort það skili einhverjum árangri fyrir sína þjóð má finna í viðurnefninu sem almenningur í Kína hefur gefið honum. Þar í landi er hann kallaður „Chuan Jian Guo“ (川建国) eða „Trump þjóðbyggjandi“. Með öðrum orðum þá telja Kínverjar að stjórnarhættir hans séu að byggja upp þjóðina – það er að segja, kínversku þjóðina. Kínverska elítan vill einnig meina að Covid-19 sé sönnun þess að bandarísk stjórnvöld vilji nota Kína sem blóraböggul til að forðast umræðu um eigin mistök. Ásakanir í garð kínverskra stjórnvalda (margar hverjar mjög sanngjarnar) hafa komið frá báðum bandarískum stjórnmálaflokkum og er afstaða kínverskra stjórnvalda orðin sú að það skiptir ekki öllu máli hver mun sigra í þessum kosningum. Viðræður Kínverja við Joe Biden munu að öllum líkindum vera á vinalegri nótum, en það mun taka mörg ár að laga þessa pólitísku pattstöðu á milli stórveldanna beggja. Framtíðin Kosningarnar annað kvöld eru vissulega mikilvægar fyrir framtíð heimsins. Hvernig heimurinn okkar mun líta út eftir 30 ár verður mótaður á næstu 5 árum. Því miður er of seint að koma í veg fyrir kalt stríð á milli Kína og Bandaríkjanna, en það er hinsvegar hægt að gera sambandið á milli þeirra viðráðanlegt. Þjóðir í Evrópu þurfa einnig að gera sér grein fyrir hinu nýja landslagi sem mun taka við ef Bandaríkin ná sér ekki aftur upp og Kína heldur áfram að teygja sig út í heim. Í nýjasta eintaki Foreign Affairs skrifar Julian Gewirtz að Xi Jinping hefur nýlega sett fram efnahagslega áætlun fyrir 2021-2025. Áætlunin felur í sér að Kína mun endurstilla efnahagsþróun sína til að þjóna innlendum markaði frekar en „hinum óstöðuga heimi“. Kína er ekki að reyna að einangra sig frá umheiminum, heldur virðist þjóðin sækjast í að geta reitt sig minna á Bandaríkin og meira á smærri ríki í gegnum verkefni eins og Belti og braut. Smáríki eins og Ísland sem situr við bráðnandi heimskautssvæði. Heimskautssvæði sem mun líklegast breytast í siglingaleið eftir 10 ár. Á þeim tíma sem Trump hefur verið forseti hafa Íslendingar fengið eina heimsókn frá Hvíta Húsinu. Mike Pence var sendur til að hvetja Íslendinga til að hafna samstarfi við Kína og segir það í raun allt sem segja þarf um okkar stöðu varðandi samskipti þessara tveggja ríka. Margir Íslendingar munu vissulega halda sér vakandi annað kvöld til að fylgjast með þessum mikilvægu kosningum, en við skulum samt ekki gleyma líka því að halda okkur vakandi næstu árin. Höfundur er eigandi Kínversk ráðgjöf Viltu birta grein á Vísi? Sendu okkur póst. Senda grein Forsetakosningar í Bandaríkjunum Bandaríkin Kína Mest lesið Opið bréf til stjórnvalda Elín Ýr Arnar Hafdísardóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Loksins fær þyrlan heimili fyrir norðan Njáll Trausti Friðbertsson Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Við skuldum þeim að hlusta Ólafur Adolfsson Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Næstu sólarhringar á Gaza skipta sköpum Hlynur Már Vilhjálmsson Skoðun Huglæg réttlætiskennd og skattar á verðmætasköpun Kristinn Karl Brynjarsson Skoðun Daði Már týnir sjálfum sér Heiðrún Lind Marteinsdóttir Skoðun Skoðun Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Hvað er lýðskóli eiginlega? Margrét Gauja Magnúsdóttir skrifar Sjá meira
Hvernig sem forsetakosningarnar í Bandaríkjunum fara annað kvöld þá er augljóst að úrslitin munu eiga mikinn þátt í að móta það tímabil sem tekur við af þessu viðburðarríka ári. Ef Joe Biden sigrar í kosningunum er líklegt að hann og varaframbjóðandi hans munu reyna að laga það brotna heimsálit sem liggur nú yfir bandarísku þjóðinni eins og þrumuský. Hinsvegar má búast við mikilli andstöðu frá Donald Trump og stuðningsfólki hans og vilja sumir jafnframt meina að það gæti komið til einhverra átaka. Þar sem margir neyddust til að senda inn atkvæði sín með pósti þá gæti líka vel verið að við munum ekki vita endanleg úrslit fyrr en eftir nokkrar vikur eða jafnvel mánuði. Veturinn þar í landi verður þá að öllum líkindum skilgreindur af rifrildum, kærum og ásökunum um kosningasvindl. Íbúar heimsins munu einnig þurfa að bíða þolinmóðir eftir að endanleg úrslit verða tilkynnt og á meðan ríkisstjórnir um heim allan halda niðri í sér andanum er öruggt að segja að ein þjóð muni anda rólegra en margar aðrar. Kínversk stjórnvöld munu eflaust fylgjast vel með bandarísku forsetakosningunum, en ekki endilega til að sjá hver mun vinna. Þau munu fylgjast með kosningunum einfaldlega vegna þess að sama hvernig fer – þá er það Kína sem mun sitja uppi sem sigurvegari kvöldsins. Hvers vegna? Árið 2016 átti sér stað mikill pólitískur jarðskjalfti í hinum lýðræðislega heimi. Brexit og Donald Trump hertóku vissulega það ár, en vanhæfni fjölmiðla til að spá fyrir um sigur þeirra beggja var nokkurs konar himnasending til kínverskra stjórnvalda sem höfðu lengi vel haldið því fram að vestrænir fjölmiðlar voru stjórnaðir af hlutdrægni og spillingu. Donald Trump gaf þar með ríkisstjórninni í Peking tilvalið tækifæri til að gagnrýna vestrænt lýðræðiskerfi. Í áratugi hafa kínversk stjórnvöld reynt að benda á að það lýðræði sem vestræn ríki hafa hrósað og reynt að kynna fyrir Kínverjum er alls ekki fullkomið. Eins einfölduð og þessi staðhæfing hljómar þá var þetta viðhorf nóg til að ýta undir enn meiri þjóðernishyggju í Kína og sjálfstrausti á meðal kínverskra stjórnvalda. Á þessum fjórum árum hafa kínversk stjórnvöld samþykkt öryggislög í Hong Kong, sett milljónir Úýgúra í pólitískar endurmenntunarbúðir, daðrað við að ráðast á Taívan, egnt til átaka við landamæri Indlands, lagt Ástralíu í efnahagslegt einelti og leyft diplómötum sínum hóta og tala niður til erlendra fréttamanna í Kanada og Svíþjóð. Viðbrögðin frá umheiminum hafa verið mismikil. Viðskiptastríð hefur staðið yfir á milli Kína og Bandaríkjanna og hafa sumar þjóðir lagt bann við notkun á búnaði frá kínverskum hátæknifyrirtækjum. Það er samt mikilvægt að benda á að þær afleiðingar sem kínversk stjórnvöld upplifa sökum offorsa eða þjösnaskap haldast mjög oft í hendur við hversu háðar einstaka þjóðir eru fjárfestingum frá Peking. Það má vel vera að núverandi forseti Bandaríkjanna telur sig sterkan þegar kemur að deilum við Kína, en svar við því hvort það skili einhverjum árangri fyrir sína þjóð má finna í viðurnefninu sem almenningur í Kína hefur gefið honum. Þar í landi er hann kallaður „Chuan Jian Guo“ (川建国) eða „Trump þjóðbyggjandi“. Með öðrum orðum þá telja Kínverjar að stjórnarhættir hans séu að byggja upp þjóðina – það er að segja, kínversku þjóðina. Kínverska elítan vill einnig meina að Covid-19 sé sönnun þess að bandarísk stjórnvöld vilji nota Kína sem blóraböggul til að forðast umræðu um eigin mistök. Ásakanir í garð kínverskra stjórnvalda (margar hverjar mjög sanngjarnar) hafa komið frá báðum bandarískum stjórnmálaflokkum og er afstaða kínverskra stjórnvalda orðin sú að það skiptir ekki öllu máli hver mun sigra í þessum kosningum. Viðræður Kínverja við Joe Biden munu að öllum líkindum vera á vinalegri nótum, en það mun taka mörg ár að laga þessa pólitísku pattstöðu á milli stórveldanna beggja. Framtíðin Kosningarnar annað kvöld eru vissulega mikilvægar fyrir framtíð heimsins. Hvernig heimurinn okkar mun líta út eftir 30 ár verður mótaður á næstu 5 árum. Því miður er of seint að koma í veg fyrir kalt stríð á milli Kína og Bandaríkjanna, en það er hinsvegar hægt að gera sambandið á milli þeirra viðráðanlegt. Þjóðir í Evrópu þurfa einnig að gera sér grein fyrir hinu nýja landslagi sem mun taka við ef Bandaríkin ná sér ekki aftur upp og Kína heldur áfram að teygja sig út í heim. Í nýjasta eintaki Foreign Affairs skrifar Julian Gewirtz að Xi Jinping hefur nýlega sett fram efnahagslega áætlun fyrir 2021-2025. Áætlunin felur í sér að Kína mun endurstilla efnahagsþróun sína til að þjóna innlendum markaði frekar en „hinum óstöðuga heimi“. Kína er ekki að reyna að einangra sig frá umheiminum, heldur virðist þjóðin sækjast í að geta reitt sig minna á Bandaríkin og meira á smærri ríki í gegnum verkefni eins og Belti og braut. Smáríki eins og Ísland sem situr við bráðnandi heimskautssvæði. Heimskautssvæði sem mun líklegast breytast í siglingaleið eftir 10 ár. Á þeim tíma sem Trump hefur verið forseti hafa Íslendingar fengið eina heimsókn frá Hvíta Húsinu. Mike Pence var sendur til að hvetja Íslendinga til að hafna samstarfi við Kína og segir það í raun allt sem segja þarf um okkar stöðu varðandi samskipti þessara tveggja ríka. Margir Íslendingar munu vissulega halda sér vakandi annað kvöld til að fylgjast með þessum mikilvægu kosningum, en við skulum samt ekki gleyma líka því að halda okkur vakandi næstu árin. Höfundur er eigandi Kínversk ráðgjöf
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun