Fjórum hundum var bjargað úr eldsvoða í Kórahverfinu í Kópavogi í dag og voru þeir fluttir til skoðunar hjá dýralækni. 

Þetta staðfestir varðstjóri hjá slökkviliðinu á höfuðborgarsvæðinu í samtali við Vísi.

Annars sakaði engan vegna brunans. Varðstjóri segir slökkvistarf hafa gengið greiðlega fyrir sig. Búið er að afhenda lögreglu vettvang brunans til rannsóknar.

Fréttin var uppfærð klukkan 20:48.