Viðskipti innlent

43 milljónir króna í sekt fyrir 15 milljóna króna skattsvik

Kolbeinn Tumi Daðason skrifar
Dómur var kveðinn upp í Héraðsdómi Reykjaness á föstudag.
Dómur var kveðinn upp í Héraðsdómi Reykjaness á föstudag. Vísir/Vilhelm

Tæplega fimmtug kona hefur verið dæmt til greiðslu 43 milljóna króna sektar og í átta mánaða skilorðsbundið fangelsi fyrir brot á skattalögum. Ávinningur konunar var á fimmtándu milljón króna en sekt hennar þreföld hærri. Dómur var kveðinn upp í Héraðsdómi Reykjaness á föstudag.

Konan rak einkahlutafélag en í umfjöllun um dóminn á vefsíðu Skattrannsóknarstjóra segir að konan hafi á árunum 2014 til 2015 vanrækt að standa skil á virðisaukaskattsskýrslum og stóð skil á efnislega rangri virðisaukaskattskýrslu á tæplega tveggja ára tímabili, færði hvorki bókhald né varðveitti bókhaldsgögn.

Bryndís Kristjánsdóttir er skattrannsóknarstjóri. Vakin er athygli á nýföllnum dómi á vefsíðu skattrannsóknarstjóra.Vísir/Frikki

Þá var konan ákærð fyrir peningaþvætti vegna ávinnings af brotunum. Konan taldi að dæma ætti lægri fjárhæð í málinu þar sem bókhaldsgögn hefðu glatast. Hefðu þau verið tiltæk hefði verið hægt að koma á leiðréttingum við skattayfirvöld.

Ekki var fallist á þetta og segir í dómsniðurstöðunni að það sé á ábyrgð skattgreiðanda að varðveita bókhaldsgögnin. Að það hefði ekki verið gert kæmi ekki til refsilækkunar. Þá breyti engu að líkur standi til að greiðsla komi upp í kröfur vegna brotanna.

Fjárhæðin sem skotið var undan nam tæplega 15 milljónum króna. Samkvæmt dómaframkvæmd í sambærilegum málum hafa sektir verið ákveðnar þreföld sú fjárhæð sem skattþegi hefur komið sér hjá að greiða. Sektarfjárhæð var því dæmd 43 milljónir.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
2,97
19
400.926
EIM
2,38
16
116.902
HAGA
1,84
19
335.136
REGINN
1,59
17
145.045
ICESEA
1,44
7
100.472

Mesta lækkun dagsins


Félag
Br.%
Fjöldi
Velta*
TM
-0,68
2
47.769
FESTI
-0,32
16
102.172
SYN
-0,26
13
46.154
SJOVA
-0,09
7
134.773
ICEAIR
0
86
146.717
Velkomin á Vísi. Þessi vefur notar vafrakökur. Sjá nánar.