World Class hagnaðist um 562 milljónir í fyrra

Hallgerður Kolbrún E. Jónsdóttir skrifar 25. október 2020 22:03

Líkamsræktarstöðin World Class hagnaðist um 562 milljónir króna í fyrra. Hagnaðurinn nemur um 80 prósentum af heildarhagnaði stærstu líkamsræktarstöðva á Íslandi, World Class, Hreyfingar, Reebok Fitness, Sporthússins og CrossFit Reykjavíkur. Samanlögð afkoma þeirra nam 721 milljón króna á síðasta ári samkvæmt frétt Viðskiptablaðsins.

Árið 2018 nam heildarafkoma stöðvanna 665 milljónum og jókst um ríflega átta prósent á milli ára. Öll félögin skiluðu jákvæðri rekstrarafkomu en World Class hagnaðist mest.

Rekstrartekjur félaganna námu um sex milljörðum króna í fyrra en tæpum 5,8 milljörðum árið áður. Rekstrartekjur World Class voru tæplega 3,8 milljarðar í fyrra.

Af þessum stærstu félögum var arðsemi eigin fjár verið mest hjá CrossFit Reykjavík á síðustu tveimur árum, eða 92 prósent að jafnaði. Arðsemi eigin fjár var næst mest hjá World Class eða 41 prósent að meðaltali.

Líkamsræktarstöðvar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.