Viðskipti innlent

Sam­keppnis­eftir­litið hefur rann­sókn á Orku náttúrunnar

Atli Ísleifsson skrifar
Samkeppnisyfirlitið tilkynnti Orkuveitu Reykjavíkur, eiganda ON, um rannsóknina í bréfi í síðasta mánuði og hefur jafnframt verið óskað eftir ýmsum gögnum.
Samkeppnisyfirlitið tilkynnti Orkuveitu Reykjavíkur, eiganda ON, um rannsóknina í bréfi í síðasta mánuði og hefur jafnframt verið óskað eftir ýmsum gögnum. Vísir/Vilhelm

Samkeppniseftirlitið hefur hafið formlega rannsókn á Orku náttúrunnar (ON) þar sem kannað er hvort að fyrirtækið hafi gerst brotlegt við samkeppnislög þegar kemur að sölu, uppsetningu og þjónustu fyrirtækisins bæði á hleðslustöðvum og hleðslum fyrir rafbíla.

Fréttablaðið greinir frá þessu í morgun. Þar segir að kæra hafi verið lögð fram af Ísorku, söluaðila hleðslustöðva, og er ON er sakað um að nýta sér markaðsráðandi stöðu sína á raforkumarkaði til að koma sér í einokunarstöðu á miðlun rafmagns til rafbíla.

Samkeppniseftirlitið tilkynnti Orkuveitu Reykjavíkur, eiganda ON, um rannsóknina í bréfi í síðasta mánuði og hefur jafnframt verið óskað eftir ýmsum gögnum. Fréttablaðið segir ennfremur frá því að ON hefur í þrígang sent Samkeppiseftirlitinu bréf með athugasemdum.

Haft er eftir Berglindi Rán Ólafsdóttur, framkvæmdastýru ON, að rannsókn Samkeppniseftirlitsins hafi komið fyrirtækinu á óvart, enda markaðurinn lítill og á frumstigi. Þó sé nauðsynlegt að koma innviðunum fyrir rafbílanotkun landans í lag áður en eftirspurnin sé fyrir hendi. 

Hún vonast þó til að rannsóknin leiði til þess að staða og skipulag markaðarins muni skýrast og hvetja til frekari uppbyggingar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
VIS
1,82
25
524.725
HAGA
1,5
22
251.361
SKEL
1,29
6
745.960
KVIKA
1,17
6
80.524
BRIM
1,12
4
10.467

Mesta lækkun dagsins


Félag
Br.%
Fjöldi
Velta*
REITIR
-0,82
7
14.590
MAREL
-0,57
27
319.595
EIM
-0,47
7
12.711
ICEAIR
0
46
74.343
Velkomin á Vísi. Þessi vefur notar vafrakökur. Sjá nánar.