Kemur til Póstsins frá Advania

Atli Ísleifsson skrifar 20. október 2020 10:42

Aldís Björgvinsdóttir hefur verið ráðin í starf vörustjóra innlendra vara og þjónustu á þjónustu- og markaðssviði Póstsins.

Þetta kemur fram í tilkynningu frá Póstinum. Þar segir að Aldís hafi þegar tekið til starfa og beri ábyrgð á innlendu vöruframboði Póstsins sem og afkomu af innlendum vörum.

„Aldís er með víðtæka reynslu úr atvinnulífinu og var síðast hjá Advania þar sem hún sinnti starfi verkefnastjóra. Þar áður starfaði hún hjá LS Retail, einnig sem verkefnastjóri og þá hefur hún starfað hjá Azazo, Arion banka og Berkshire Mortage Finance við góðan orðstír.

Aldís er með BS próf í viðskiptafræði frá Háskólanum í Reykjavík og hefur einnig stundað nám við University of Massachusetts Boston,“ segir í tilkynningunni.

Vistaskipti Pósturinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.