Innlent

Gísli Jóns kominn með skipið í tog

Atli Ísleifsson skrifar
Báturinn í togi.
Báturinn í togi. Landsbjörg

Björgunarskipið Gísli Jóns á Ísafirði er komið að skipinu sem varð vélarvana innarlega í Ísafjarðardjúpi í morgun.  

Björgunarsveit var kölluð út um klukkan hálf ellefu en í tilkynningu frá Slysavarnafélaginu Landsbjörg sagði að skipið, sem var á veiðum í Ísafirði, hafi orðið vélarvana og tekið það að reka hægt að landi með þrjá menn um borð. 

Áhöfninni tókst að hægja töluvert á rekinu með því að kasta út akkeri og rétt fyrir hádegi var Gísli Jóns síðan kominn að bátnum og er nú með hann í togi, að sögn upplýsingafulltrúa Landsbjargar. 

Búist er við því að báturinn verði dreginn til hafnar í Ísafjarðarbæ.

Verið er að draga bátinn til hafnar.Landsbjörg

Björgunarbáturinn Gísli Jóns.Björgunarfélag Ísafjarðar

Björgunarsveitir Sjávarútvegur Ísafjarðarbær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið